COLLAR＠Day许轶新歌《Wait A Second》点击破60万 与粉丝合力制作应援公仔Daypa
发布时间：10:56 2025-03-21 HKT
女子组合COLLAR成员许轶（Day），早前推出首支个人单曲《Wait A Second》，首度「单飞」的Day为隆重其事，日前（19日）特意举行「Wait A Second with Daypa」活动，邀请数十位粉丝一同DIY亲手设计限量版Daypa 公仔。许轶首次与粉丝零距离接触，自言心情紧张又兴奋，更表示下一首歌的Demo已出，呼吁粉丝们要密切期待！
Day许轶让粉丝设计应援公仔Daypa
《Wait A Second》对许轶来说意义重大，歌曲承载着她多个的「第一次」，举行「Wait A Second with Daypa」活动，也是Day第一次与粉丝一起DIY设计Daypa公仔。她表示：「因为第一次出歌，加埋呢段时间有公仔潮，于是公司同事就谂可以举办一个活动，畀粉丝同我设计属于自己嘅应援公仔，而呢个公仔就叫做Daypa，虽然有好多Fans Club都有佢哋嘅应援公仔，但今次好特别，系配合埋首歌。」
相关阅读：Day许轶@COLLAR推首支单曲《Wait A Second》 校服Look上阵与范麒智Kenji合作拍MV
Day许轶自嘲有选择困难症
提到首次与粉丝零距离接触，Day坦言心情有点紧张：「之前COLLAR有啲签名会，都会同粉丝握手、签名，但就未试过同Fans一齐参加work shop，好似朋友咁一齐DIY公仔，感觉再Close啲，有紧张感觉。」谈到DIY公仔，Day笑指有选择困难症，所以制作公仔上需时较长：「我喜欢DIY手作，但就唔擅长，加上我有选择困难，整呢只公仔，我都用咗两三个钟头，我见Fans佢哋整得靓过我好多。」
相关阅读：《黑色月光》马志威传恋COLLAR经理人戴颖 与余文乐爱将拍拖10年因疫情分手？
Day许轶下首新歌已有Demo
活动期间，发现原来Day的粉丝年龄层相当广泛，当中更有「长者级」粉丝，对此Day大叫感动：「有一半以上粉丝都系因为睇《全民造星》而开始钟意我哋，好感动佢哋一直支持，今次活动，有一种可以送番份礼物畀佢哋嘅感觉。」
提到《Wait A Second》MV首播当日，COLLAR一众成员一同观看，未知各成员对于其新歌MV可有评价？Day说：「其实𠮶日，当时大家一齐排舞，休息时就一齐睇MV当放松吓，我同佢哋讲『我个MV有男主角』，佢哋个个都好惊讶，因为佢哋知我劲怕丑，所以见到我喺MV入面故作镇定，佢哋觉得好搞笑。」《Wait A Second》播出以来在网上观看人数已超逾60万，对此成绩，Day笑言不满意：「唔满意！讲笑啫，其实都冇话满唔满意，好开心大家钟意首歌，之后我都会继续出歌，下一首已经有Demo，至于风格系点，大家期待一下！」
