43岁唐宁尽搣稚气发色惹热议 亲解白发之谜：有人觉得我好老
发布时间：23:00 2025-02-27 HKT
5岁入行、童星出身的唐宁，不经不觉已经43岁，她一张亮丽的娃娃脸令人印象深刻。不过今年她一改以往童颜柔弱气质，本月初贴出Man爆的健身照片，手瓜起𦟌，与以往形象各走极端。而最近唐宁更以一头白发示人，原来她为了一原因把头发漂白。
唐宁亲身拆解白发之谜
唐宁昨日（27日）在小红书以「唐宁的白发之谜」为题发帖，她写道：「谢谢大家的关心，今天让我来揭秘这个［白发之谜］。」并hashtag标注#甜妹 #女性成长。
相关阅读：43岁唐宁素颜粗犷Man到爆 彻底搣甩童颜 网民大叫唔认得
唐宁拍片解释白发之谜：
唐宁刻意把头发染浅
影片可见，一头白发的唐宁滔滔不绝解释白发之谜，她说：「我估唔到，原来有啲人对我头发嘅颜色都几好奇，好！我今日就解释下喇！第一，我啲头发系去染先变成咁嘅色，唔系真系已经满头白发。第二，我又觉得人生在世咩都试下，咪试下染浅色啲啰！」
相关阅读：唐宁亲密关系大公开！情侣装烛光晚餐互称老公老婆 失婚后移民感情事受关注
唐宁10岁已出白头发
唐宁透露自己10岁的时候，开始出现白头发，「呢个系遗传嘅，我爸爸40几岁已经近乎全头白发，佢以前都系一直染，染到咁上下佢就唔染由佢白啦！」唐宁更在早几年发现白头发已经蔓延到全头，有些灰灰白白，甚么颜色都有，「总之唔系黑色啦！我每一次染发，成日都好快就褪咗出嚟，见到啲白头发，我就觉得好烦！」
相关阅读：唐宁「公开恋情」？突晒男友视角：I'm in love with… 离婚移居纽西兰曾爆喊认怯懦
唐宁带仔女移居纽西兰：
发型师提议唐宁把头发染浅
于是唐宁听取身边的朋友、发型师的提议把头发染浅，「变咗你生白头发嘅时候，慢慢可以对得上色，咁我觉得呢个都可以试吓㖞！咩都可以试吓！头发又唔系唔生嘅，又唔系唔可以再染其他色嘅，试下都无妨！」
相关阅读：唐宁移居纽西兰后状态又有变化？新Look重拾巅峰再现少女味 贴男友视角照现羞涩甜笑
唐宁随心对待自己会开心一点
唐宁估不到原来有颇多人都关注她白发的问题，更向她作出正面及负面的批评，「有啲人可能会觉得『哗！几型㖞！冇谂过㖞！』有啲人就会话『好老啫！咩事呀点解要咁呀！』有啲就『佢真系好老㖞！』」对于种种的批评，她都以一贯作风应对：「OK，anyway！无所谓！每个人都有自己嘅睇法，我觉得有时你去做一啲形象嘅改变又好，或者做一啲性格上嘅改变都好，其实你最需要交代嘅就系你自己，你自己觉得OK嘅，又唔系真系影响到人嘅，我染发唔会影响到你，系咪先？咁就OK啰！其实真系唔需要有太多嘅顾虑，做人做到呢个年纪，随心一啲开心一啲！」
相关阅读：42岁唐宁移居新西兰变身金发女郎再做演员 月初庆祝生日子女未见身影
