唱作女歌手惊爆患脑动脉瘤！出现剧烈头痛紧急入院「拆弹」因一事宁愿死都拒绝插喉
发布时间：19:00 2025-02-20 HKT
在2008年由歌唱老师韦绮姗介绍入行的唱作歌手王若琪（Takki），入行不久因家庭经历巨变，爸爸因癌病离世，妈妈因感冒导致肺炎，一度昏迷在入住ICU个多月，不过醒返后发现左脑中风，半身不遂连说话表达能力有问题，王若琪决定停工照顾病母。
王若琪曾受情绪病困扰离港生活
其后王若琪曾复出乐坛，但只作短暂停留后又消失于人前。原来当时王若琪受情绪病困扰，她选择离港生活，神隐多时的王若琪，本月初突现身IG交代近况，惊爆因剧烈头痛而发现脑动脉瘤，有机会余生脑瘫伤残。
相关阅读：母住老人院 王若琪2个月没见面不开心
王若琪惊爆有脑动脉瘤
神隐多时的唱作歌手王若琪，在大S徐熙媛惊爆死讯当日，在IG贴上多张脑部的X光片并撰长文透露近况，她说：「本来谂住好返先同大家讲，但系今朝起身睇到新闻，令到我有感而发想早啲同啲朋友讲吓嘢，首先今朝睇到新闻真系有唔开心，亦都令我觉得能够健康快乐咁样生活喺呢个世界上面其实真系唔系必然，真系要珍惜所爱。」王若琪坦言近年「有好多原因令我呢几年一直处于唔系好想见人嘅状态」，但今次将会是在香港逗留最长的大段时间：「因为我脑血管出咗啲毛病，生咗一个脑动脉瘤，医生同我讲有啲人系唔使处理嘅，但系因为我系喺脑入边，如果我唔处理嘅话，有一日佢爆破就会有生命危险，亦都讲唔埋几时会发生。其实我一直都15/16，做咗好多research究竟应唔应该去做呢一个手术，其实谂落我都好幸运，因为医生话血管系冇痛觉嘅，所以基本上好多人系个瘤爆破咗之后先知道，𠮶阵时已经系脑出血，三分之一嘅人会离开，三分之一嘅人会导致伤残，另外𠮶三分之一嘅人先至好幸运咁样走返出嚟做返个正常人。」
王若琪因一次剧烈头痛发现有瘤
王若琪还说：「我系因为一次剧烈嘅头痛发现咗呢个病（但系医生话呢个头痛根本都唔关事，真系咁好彩发现到），所以我喺权衡过利弊之下，返咗嚟香港决定做呢个手术，要将一个支架放入去血管里面，做完手术之后再食六至九个月嘅药，慢慢等血管修复，等医生放完假返工就安排手术嘅事宜。」她续说：「凡事都有两面睇，我好感激我嘅身体好锡我，俾我一啲警告去等我知道我系时候处理一啲问题。虽然我都好惊，但系我觉得更大嘅感受系有一啲嘢，我以为自己放弃咗，但到咗呢一个时刻，我仍然好希望有机会再做返自己喜爱嘅演艺事业，所以我知道呢一样嘢对我嚟讲同生命一样重要，亦都希望有更多嘅机会去表达自己，同埋分享自己嘅一啲经历，同埋话俾大家听，而家好多病都年轻化，希望大家唔好以为自己仲后生可以挨得到，一定要定期去check住，有咩事尽快去睇医生唔好拖症。」
王若琪不希望揽住计时炸弹过一世
到了今日（20日），王若琪在IG报平安并宣布手术成功：「好多朋友以为我脑𥚃面有动脉瘤系要开脑同埋要铲头发，其实系喺我嘅大髀开一刀，然后用一条道管穿过我的血管去到我脑𠮶条患病嘅血管里便，然后再喺𠮶度做造影同埋释放个支架出嚟。手术之前收到好多朋友嘅PM，有啲就话自己有病啦，有啲就话屋企人因为咁样走咗，同我讲好高风险㗎做都可能会死㗎或者会中风残疾㗎，咁我首先同佢哋讲我每个人嘅位置都唔一样，如果我唔做我爆咗嘅话我可能直头系冇命，连赶去要十字车喺屋企送我过医院嘅时间都冇，大家话我好勇敢，其实我想讲我都系冇得拣，所以我好积极咁面对，因为咁样系唯一可以完全变返一个正常人嘅机会，我唔想揽住个计时炸弹过一世，讲嘢大声啲、行快啲、激动啲、拎重嘢都惊佢爆咁作为一个表演者样，点可以每一刻都咁平静呢？」
相关阅读：57岁蔡一杰惊爆完成脑瘤切除手术 头顶U型伤口照触目惊心
蔡一杰完成脑瘤切除手术后首个生日：
王若琪宁愿死都不想插喉
王若琪还感激遇上好医生：「除咗技术好之外，佢好有医德亦都好细心讲解俾我哋听面紧嘅处境，话俾我听我呢个位置对我嘅生命有咩影响，做会点样做？会有啲乜嘢好处同埋风险，唔做又会有啲嘢影响，在手术前一直在关心插喉的事情，原来正式做手术嘅全身麻醉系会冇咗自主呼吸一定要插喉，第一我唔想伤到个喉咙；第二我睇过婆婆同埋妈妈喺ICU插咗好耐喉𠮶种好辛苦，俾人绑住手脚郁都郁唔到嘅感觉，我妈咪连气道造口都切埋，我曾经同我细佬讲如果要我插喉我唔插㗎我宁愿死㗎。」她又说：「后来麻醉师话听咗吴医生讲因为我要唱歌所以尽量唔好伤到声带，掹返出嚟𠮶阵时都好快所以冇乜感觉。我瞓咗上张床度，仲问麻醉师：『我会唔会喺中途醒返㗎？』佢话：『如果你中途醒返，我就冇得捞啦。』我系好惊𠮶啲我自己又开唔到眼郁唔到其实我又醒咗好痛，但系冇人发现我醒咗𠮶只。」
王若琪康复的路相当漫长
最后王若琪说：「因为我觉得风险交俾佢哋啦，我知道风险系高㗎，一旦笃穿咗个瘤我就冇出血可能随时都冇命，唔知呢，我好相信我一定会冇事嘅。接落嚟仲有六至九个月药要食呀，因为血管入边啱啱安装咗个支架，防止啲血流到入去个动脉瘤里便，但系因为呢个支架会令到本来条血管条释放一啲一粒粒嘅嘢痴上个支架度，惊佢会堵塞晒成条血管，所以要食两只薄血药，六个月之后睇吓个泡泡有冇缩返细，然后再持续观察，一步一步慢慢康复。又有多一个经历可以写歌或者写故事，真系好感恩 。」
