星8卦丨「富豪」呃钱呃极有人落搭申请破产连累老友正人渣

更新时间：11:30 2025-02-11 HKT
发布时间：11:30 2025-02-11 HKT

「富豪」用移形换影方法帮自己甩咗一大笔外债，好唔负责任咁松人，以为自己叻到晓飞。回归本业，以为将老窦盘生意搞大佢，点知遇着疫情加埋北上投资呢几年死晒，仲要掂房地产，所以一衰起上嚟真系累全家。

背后啲朋友都笑佢，话「富豪」成世人最叻玩财技，完全唔系做实事嘅人，而且做乜都系割禾青，自己掂人哋蚀，呢种唔熟唔食嘅性格，身边啲富贵朋友知㗎，但就偏偏每次都仲有人落搭。呢个世界就系咁，你喺呢个圈子呃完人钱，去到另一个圈子一样有人上吊，仲以为自己系醒𠮶个，唔会咁容易死喺佢手上，甚至谂到自己要起佢飞脚，成为大赢家。

相关阅读：星8卦丨「歌女」追「阿叔」谂住有钱揾两面不是人遇渣男撇清不伦恋

结果系呢一铺系全人类都以为冇事，一定赢嘅情况下，敌唔过天意同大环境，好几个同「富豪」拍住上，本嚟现金多个借贷嘅实业家，其中一个几乎连超级豪宅卖埋至可以补住名誉，唔使破产。「富豪」又点下场？身边有实力嘅都搞成咁，佢本身冇实事求是同求生技能嘅太子爷，已经开始将仅余无几嘅楼同钱过晒畀老婆，系够期日子做手续唔还钱甩身，由得啲朋友死，继续唔负责任，好彩今次件事会通天，唔系畀佢过埋关继续呃人就冇天理！

相关阅读：星8卦丨「鬼妹」做「高佬」女朋友当赌债肉偿扭曲关系分手

↓立即下载星岛头条App↓