张继聪不满贺岁片被闹割席留言 不认同地图炮方式批评：学下点样去睇一套戏

今个新年主要有三部贺岁片，分别是《临时决斗》、《祥赌必赢》及《麻雀女王追男仔》，但整体票房都未算理想，日前（4日），就有一个电影评论平台「港唔断戏」发文批评今年的香港贺岁片，惹得有份参演的张继聪亲自拍片回应。

张继聪罕为批评留言反击

「港唔断戏」的影评人发文批评指：「今年嘅香港贺岁片，票房差系合理......我自己只系睇咗三套入面嘅0.7套，纯粹谂住应下节，但最后都要睇到我中途离场，真系差同尴尬到睇唔晒......新年流流都要人发火，唔尊重观众，观众最后都系会离弃你。」结果惹来参演贺岁片《祥赌必赢》的张继聪留言：「今次系我最后一次睇你嘅page。」

相关阅读：《祥赌必赢》累积票房冲破400万 谢安琪获阿Sa教路挽「十三张」化身女赌神 岑珈其爆笑演盲人赌徒超抢镜

张继聪为批评留言反击惹争议：

「港唔断戏」的影评人发文续指：「要搞返好香港电影，就系越烂嘅牌，就要越用心打，打争气波，但而家好似就系背道而驰，贺岁档唔再系／唔应该系粗制滥造用嚟吸钱嘅工具，有麝自然香，拍得好就死都帮你推返生，要相信新时代观众嘅慧眼，差嘅就摆乜档期都系昙花一现，揾咩人宣传，都系死路一条。2025年对香港电影同戏院，都应该系艰难嘅一年，共勉」。

张继聪的行为网民反应两极

有份参演贺岁片《祥赌必赢》的张继聪就留言表示：「今次系我最后一次睇你嘅page。」网民对于张继聪的行为反应两极，有人觉得他带头杯葛该专页非常小器：「人哋评论下套戏啫，你就要咁小家」、「老实讲，人哋评论下套戏啫，你就要咁小家，话最后一次睇人哋个page。唔啱睇咪过主啰。香港电影唔系盲撑嘅，一点评论都容不下，系唔会有进步㗎。」但亦有人认为该评论员：「睇左0.7套又点可以得出呢个结论？」 欧阳伟豪（Ben Sir） 亦有留言表示 ：「三套，每套都0.7套，定系三套有两套睇晒，一套只睇0.7套？」。

其后张继聪在社交网拍片亲回事件，他解释不用文字去交代，是怕大家看文字在理解语气上会有误差，所以决定拍片，亲自跟大家分享他的感受。张继聪表示电影业现正处于寒冬，并谓演员与影评人的关系相当重要：「我哋以前喺演艺学院读书嘅时候，都有需要去受训练点成为一个评论员，即系其中一个课题就系我哋要睇好多戏啊，要写报告啊，学下点样去睇一套戏啊。我觉得影评嘅重要性就好似一个导游咁，有啲朋友未接触到部电影嘅本身，或者接触到个电影嘅一啲宣传嘅第一浸，我哋系需要一啲影评人去导读，或者睇完一套戏之后去介绍下佢从咩角度切入去欣赏一套电影。」

张继聪认为看电影是好主观

张继聪认为看电影是一件好主观的事，各有品味，而作为影评人应该撇除个人喜好去评论，他更以水果来作比喻：「如果我做咗只蕉出嚟，你一开波你就好钟意苹果嘅，咁咁唔使讲啦，即系因为你系根本上系唔钟意蕉㗎嘛。咁但系如果你透过即系你可以解拆畀所有观众听下，呢个人做咗只蕉出嚟，佢点解做一只蕉出嚟，点解系咁样嘅呢，佢过程系咁样做㗎㖞，即系原来佢系佢选择咗咁样，我到最后只蕉系肥美啊定系有少少烂㖞。如果你讲到过程出嚟呢，我系最开心嘅，即系其实我有时我恨都恨睇到一啲咁样嘅一啲影评。」

张继续亦有解释为何会这样留言︰「如果一次地图炮，好似令到有好多愤怒观众会留下一啲比较负面嘅睇法，好似全部戏都唔值得睇……点解会引申到去大家有呢个情绪，都系有前因后果嘅。呢一刻，呢一代仲努力紧嘅电影人都要继续做落嚟，如果你真系支持我哋香港电影，我觉得唔净系赞或者弹。」

有网民指张继聪不接受批评

有网民指张继聪不接受批评，他则解释：「其实呢十几廿年，我接受嘅批评合理嘅无理嘅，我谂都超乎常人㗎啦，咁所以我点会唔接受批评呢？我亦都觉得即系批评好重要，即系唔好讲批评啦，睇法好重要。有阵时我畀钱我都要去进修，我都要去学点样可以好啲，咁所以绝对唔系小气，绝对唔系唔接受批评啰。」

「港唔断戏」专页称失言为事件道歉

而在张继聪拍片回应后，「港唔断戏」专页昨日在社交网留言道歉，并表示：「首先，向大家诚恳地道一个歉，系我失言，责任在我身上。本来只系想就今年香港贺岁电影较为惨淡嘅情况讲一啲个人意见，『港唔断戏』嘅宗旨一向都系想支持香港电影，但重点在于支持香港嘅『好』电影……评论嘅本质系无可能讨好所有人，讨好别人亦唔系评论嘅意义。再一次致歉，但睇贺岁电影提早离场亦系事实，不过套戏唔系《祥赌必赢》，如果令聪哥或者其他人有误会，我再一次道歉。」他续指好多人执著他对其他未睇过的贺岁电影作评价，「再次强调我系武断失言，但我对今年贺岁电影嘅坏印象系在于佢哋嘅宣传，当中包括预告或其他形形色色嘅宣传，连作品最有机会吸引到观众嘅嘢都只系咁嘅水平（再戴头盔，可能大家觉得精彩），所以我先会一时武断。因为电影宣传同电影质素系可以毫无关系的，我唔应该比大家一个感觉系直接地图炮晒所有香港贺岁片，只简单讲几套戏都吸引唔到我就好了。」

未几他再分享了一张《祥赌必赢》的戏飞照，并表示：「失言系自己问题，真系地图炮咗其他我未睇嘅电影，但电影好唔好就系另一回事，赞闹都系睇返作品嘅质素，入场！ #祥赌必赢」有网民就不满版主无立场咁快「跪低」，并纷纷留言炮轰他：「即系你睇既嘅0.7套港产贺岁片，是另外两套《临时决斗》和《麻雀女王追男仔》其中之一，作为影评人点解唔直接讲」、「下次睇晒先评论啦」、「你唔系不嬲都好串好有个性架咩居然要跪」等等。