TVB女星被指停车场密会兵仔？三大嫌疑人曝光拥同一特征

更新时间：16:54 2025-01-21 HKT
发布时间：16:54 2025-01-21 HKT

万千星辉颁奖典礼2024／TVB颁奖礼2024丨一年一度的《万千星辉颁奖典礼2024》已于前晚（19日）在澳门上葡京综合度假村完满举行。今年赛果有人欢喜有人愁，得奖者当然好风骚，证明过去一年的演出获得肯定。有网民近日在threads爆料，有在TVB颁奖礼中获奖的女艺员在到处收兵，更获赞是一位出色的「时间管理大师」。

女艺人三个特征

网民透露女艺人三个特征，第一是在今年《万千星辉颁奖典礼2024》上获奖，二是平时揸电动车，三是曾去旅行被传媒撞破。不少网民火速将几位女星对号入座，当中三位女艺人呼声好高，引起不少人加入讨论。

女艺人被爆收兵：

一众网民留言估女艺人身份：「傅+莉？」、「火鸡姐？」、「一定系Hera佢有讲过佢揸电车」、「23年同罗天宇同游日本，线索吻合」、「系咪爆大冷𠮶位？」，有网民就认为只是大家想太多：「会唔会谂多咗呀？识下朋友咋㖞？」

女艺人停车场约会

原爆料网民留言：「好多人睇到啲艺员攞奖，净系识得喺度弹三弹四，冇谂过人哋背后付出咗几多。朋友R君之前因为工作关系，认识咗一位女艺员，咁普通人通常都会有啲向往明星仔，透过送吓礼物，千辛万苦终于有机会约到出嚟，有趣嘅系见面地点系停车场，因为条女屋企冇停车场，所以定时定候要去Mikiki叉电。」

女艺人车厢叹糖水

网民续指女艺人在停车场争取时间见面：「于是乎R君就同条女喺架车度食糖水，争取叉电𠮶少少时间。之后几次都系咁，大约系话拍剧啲时间好疯狂，唔知几时收，所以停车场就成为咗佢哋嘅老地方。」

女艺人称独自外游

网民提到有一次女艺人表示要去独游，最后却爆出与男艺员密游：「直到有一日，条女话要自己一个人去旅行，𠮶时我就鼓励R君买张机票去撞佢，就算发现有男朋友咪自己一个玩啰，咁佢当然冇搏啦，结果返到嚟，就出晒新闻话佢同另一男艺员秘密一齐去旅行。」

女艺人被撞破换画

网民暗讽女艺人的私生活融入演技：「本应呢个故仔都系明星收兵，冇乜特别，直到重温返寻晚嘅颁奖典礼，见到条女上台攞奖，你就明一个成功艺人需要系一位时间管理大师，忙还忙，你私生活唔精彩，又点会演得出爱情嘅感觉？当我将得奖片段分享俾R君，佢俾咗张相我睇，原来今日嘅下昼，佢喺同一个停车场撞到条女，最有趣系下午茶时间，又有另一男仔喂紧佢食糖水，因为太远睇唔到，唔知系咪木瓜雪耳，始终澳门返嚟都要补吓。」