何太收火改口撑房署公道！预告揾楼搬疑将弃住公屋直认想离开何伯：边个撑得到呢

更新时间：18:30 2024-08-14 HKT
发布时间：18:30 2024-08-14 HKT

何伯与何太因上《东张西望》成为「红人」，常直播引关注。由于何伯多次强调有450万元积蓄，热心市民都关心何伯住何太的公屋单位有否违规，房屋署亦证实有作调查。房屋署近日透露曾多次提醒承租人办理加名手续，但何太仍未做加名申请，如果一直拖延恐被收楼。何太昨日曾在直播发怒，质疑房屋署职员的处事手法，但今早（14日）直播却「收火」卖口乖，赞房署职员做事公道。

何伯与何太直播透露计划搬屋？

何伯与何太昨日在直播中发火怒斥房屋署处事手法，称自己被「逼害」，指被房屋署职员骚扰等，何太更表示：「房屋署无证无据系无本事收我哋嘅屋」、「明明都倾好咗，捉到我哋就话喺度住，总之我哋按手续办咗，再屈我就唔掂。」今早何伯与何太再于YouTube直播，谈及疑似收到「收楼信」，何太表示：「我寻日返去攞衫，佢（房屋署）又摆咗封信喺度门度，我寻日执咗，睇咗一眼，𠮶封唔系收楼信。佢意思系，𠮶日佢口头同我讲咗……再出一封信啫，话从此之后，我老公冇得再喺度住喇！如果再继续住呢，一系加名，一系搬迁咁。」何太今日在直播中语气大转变：「我都相信嘅，佢哋做嘢冇咁蛮不讲理嘅，我哋明明9号𠮶日倾好咗……同啲职员倾好咗，𠮶晚我哋都上深圳过咗一晚㗎嘛！」更指近日即使在香港亦只是住酒店，强调何伯没有回公屋单位过夜。

何太为450万元拒为公屋加名

不过何太再次表明她不打算为公屋单位做加名手续，因为他们不想令追回450万元一事有变数。何太透露下一步是找地方搬，疑似想弃住公屋单位：「系呀，谂住揾个平啲嘅屋。」对于有网民留言质疑有没有业主够胆租地方给他们，何太表示：「你连人哋租屋啲屋主都威胁噃，你话呢啲黑粉几无良、几卑鄙。」有网民劝何太「放生」何伯，自己亦不会被连累到要冒被收楼的风险，何太表示：「边个撑得到呢，我都想走呀，但我老公佢爱我，佢唔肯畀我走，佢系以死留难我呀嘛！」

何伯为何太按摩影片惹争议：

何太称收楼都冇问题

为了何伯，何太甘愿「付出代价」，何太于直播中表示：「就算佢使横手收我楼都冇问题㗎，真系㗎㖞，我OK㗎㖞，我冇问题㗎㖞！我唔会畀你哋逼上绝路㗎噃！我一直撑下去㗎噃！即使我瞓街，我都同我老公撑下去㗎噃！」何太更再度为房屋署讲好说话：「如果房屋署好似你啲黑粉咁野蛮，唔讲道理嘅，使横手攞走我间屋嘅，我都真系冇问题㗎噃！」连何伯亦附和：「人哋（房屋署职员）都识谂㗎嘛！人哋畀你玩呀？畀你牵住个鼻走呀？人哋何局长都话会查实质嘅嘢，唔系听网上讲嘅嘢，网上讲嘅嘢系不可取不可信！」更谈到房屋局局长何永贤，表示：「我觉得佢都几叻嘅，12号听到佢个采访……」对于何太突然收火更疑似卖口乖，网民都指她似乎「知惊」。