星8卦丨「人妻」离婚为复出铺路信错经理人爆错料有排衰

更新时间：11:30 2024-07-05 HKT
发布时间：11:30 2024-07-05 HKT

「人妻」最近做乜搞咁多大龙凤？其实两公婆有咗事好多年，亦都唔系为啲细路，「人妻」未至于咁伟大，只不过以前太细唔识谂，当初为逼婚搞到玩自杀，「人夫」惊到即刻娶佢。问题系人大咗要求会多，「人妻」后悔到死，觉得自己可以有更好发展。对好多嘢不满时，遇到「红哥」嘅老婆「云姐」，两个女人一拍即合，加埋知佢婚姻唔如意，就叫「人妻」签畀自己，有老公做模办，照计星途都有得谂，因为有新鲜感嘛！

相关阅读：星8卦丨「专业」花心乱媾仔追唔掂「少爷」搞鬼自取其辱

「人夫」知道老婆唔想继续，两年前就分咗够佢下半生风光富足嘅钱，如果「人妻」真系外界谂嘅为前途为想想重新出发还好呀，点知佢听「云姐」啲计谋，上埋自己嘅节目所谓爆料，然后做埋经理人帮佢复出。都几十岁啦，做人阿妈阿婆就有机会，「云姐」心知，但签番嚟系为响朵，所以叫「人妻」系节目度有几爆得几爆，佢唔识分寸咁乱讲一通，爆前夫唔体贴唔紧要，但讲到自己好随便乱搞男女关系就唔好啦！

原来啲内容「云姐」系知嘅，亦唔觉得有问题，于是出嚟一面倒闹到「人妻」洗晒版。「云姐」知衰，本嚟有两个剧本倾紧，亦录咗一首歌，而家歌唔出得啦，连剧本都畀人收番，讲到明话唔啱佢，要另外揾人。「云姐」左计右计终于计错数，因为完全无喺「人妻」方面谂，形象大跌，睇嚟呢个复出大计真系要hold一排嘞！

其他文章：

星8卦丨「姐姐」难忘初恋借钱助度难关难得老公明理作支持

星8卦丨「男主角」唔钟意出街赖老婆妻管严扮无奈小男人

星8卦丨「才女」最爱人夫遇「激进」大打出手吓到「大哥」「才子」避走

星8卦丨男人爱后生女帮忙传宗接代导演一二号弃糟糠一齐做老豆

星8卦丨「高妹」扮钟意女人呃「小姐」好食好住唔舍得分手

星8卦丨「公子」揾名媛姐仔过桥呃父母被踢爆唔做戏直接出柜

星8卦丨「秃头」样丑但识氹女「长面」唔够「妹妹」争输得好失礼

↓立即下载星岛头条App↓