星8卦丨「专业」花心乱媾仔追唔掂「少爷」搞鬼自取其辱

更新时间：11:30 2024-07-02 HKT
发布时间：11:30 2024-07-02 HKT

好多人都劝「专业」唔好再纠缠，毕竟佢真系唔啱「少爷」胃口，一直希望对方会媾自己，真系有啲痴人妄想。「专业」出嚟𠮶阵好多妈妈粉，但一次唔觉意畀人影到同大学同学喺公众场合做咗啲过位行为，最惨系「专业」以为自己易晒容就无人认得，偏偏影相𠮶个鬼咁眼利，认到佢所以留晒证据。

相关阅读：星8卦丨「姐姐」难忘初恋借钱助度难关难得老公明理作支持

其实都无乜嘢嘅，呢个年代大家都好麻木，钟意咪钟意啰，喺爱情世界中系无对错，只要够胆就得。弊在「专业」份人都比较花心，好地地同个青梅竹马咁多年就好好哋行落去啦，但佢入咗行就好似只彩雀咁四围去沾花惹草，到处留情。其实佢份人真系咁，只不过以前无咁多人任媾啫，「少爷」系佢哋嘅世界出晒名肯承担又舍得，所以「专业」一直揾机会埋佢身。

终于有次可以大胆表达，点知「少爷」同「猛男」仲系爱得火热，完全当「专业」透明，自此佢就好唔忿气点解人哋唔吼自己，成日帮「少爷」制造假消息，搞到佢都一头烟。「少爷」心里有数认为自己够红够面，唔同你啲后辈计较，反而最近开始向同「专业」有过一手嘅「太子」埋手，有乜好过我唔媾你去追你嘅旧相好，呢种咪另类报复，咪以为搞我咁开心！

其他文章：

星8卦丨「男主角」唔钟意出街赖老婆妻管严扮无奈小男人

星8卦丨「才女」最爱人夫遇「激进」大打出手吓到「大哥」「才子」避走

星8卦丨男人爱后生女帮忙传宗接代导演一二号弃糟糠一齐做老豆

星8卦丨「高妹」扮钟意女人呃「小姐」好食好住唔舍得分手

星8卦丨「公子」揾名媛姐仔过桥呃父母被踢爆唔做戏直接出柜

星8卦丨「秃头」样丑但识氹女「长面」唔够「妹妹」争输得好失礼

↓立即下载星岛头条App↓