李婉华鼓励新何太乘势掷百万卖「迷魂汤」 撑何伯咸湿寻爱无罪被轰价值观出问题
发布时间：16:51 2024-05-18 HKT
TVB节目《东张西望》连日报道「何伯之乱」，令76岁何伯与年轻逾30岁的新何太一夜爆红，就连远在加拿大的李婉华都有关注，本港时间今晨（18日）她更伙林子博、杜挺豪开Live评论事件。对于新何太被揭是「钓金龟KOL」，网民质疑她处心积虑呃钱，李婉华则有另一番见解更大唱反调，力撑新何太比李龙基更有「讲得出做得到」，惜引来大批网民狂轰「价值观错晒」。
相关阅读：东张西望丨重组何伯何太相恋时间线！认识19日送10万金鈪 未够一个月已想拎100万搞生意
李婉华力撑何伯夫妇忘年恋：
提到李龙基未婚妻王青霞（Chris）因涉逾期居留、使用虚假文书等被控7宗罪，现时还押于大榄女惩教所，李婉华直指，王青霞送疑似淘宝货又晒假文书较似骗子，反观新何太只是晒幸福「绝无欺骗」成份，认为可爱得多：「青霞好Aggressive（积极），新何太讲说话就好嗲声嗲气，『我唔会丢低佢』呢啲说话系基哥讲，但而家系新何太讲嘛，事实佢亦『执』咗何伯返屋企住，So far何伯都冇蚀底呀，又入得厨房出得厅堂，Why not？！基哥言之凿凿都系讲未来嘅嘢，但新何太真系已经同何伯出双入对，又煲汤喂汤、畀佢住埋。」更大赞新何太一双「童子眼」予人形象友善︰「成日好似傻更更咁，虽然佢系恶死嘅，但治得何伯掂咪得啰。」
李婉华吁何伯子女夹份投资
李婉华续指，全靠《东张西望》令何伯夫妇一举成名，造就商机处处，建议二人善用抖音帐号「千语BB生活录语」，并投资「迷魂汤」生意：「而家唔捉住商机几时捉？所以𠮶100万真系值得投资，即刻开门市又好、做Online（网店）又好。其实咁搞真系恭喜佢哋，何伯啲仔女真系唔应该决裂，应该同佢合谋一齐分担角色，开番间靓汤店，你睇佢啲汤真系掂㗎㖞，可以喺『千语BB生活录语』教人煲靓汤，呢个绝对系一个Gimmick（噱头）。」
确信何伯夫妇打风都打唔甩
被问到可觉得新何太是骗子？李婉华继续力撑这段忘年恋：「我都好怀疑系咪真爱，但又觉得到如此田地都冇得讲真唔真爱，而家佢两个已经被捆绑埋一齐，一个人嘅过去亦算嘞，讲真唔系每个人出身都一定咁好彩，佢想个仔有好嘅生活、教育，佢嚟香港我系了解嘅，总之唔系偷呃拐骗就算，真爱呢啲一个愿打一个愿挨，而家落去搞『迷魂汤』生意对何伯真系冇嘢输，我觉得系佢70几岁人生嘅高峰，佢哋都唔会众目睽睽飞起对方，我好有信心，冇得走㗎喇。咸湿阿伯就一定系，但佢真系爱新何太，喺佢眼中系老实人，大家互相照顾，咁有咩错呢？」
东张西望丨何伯再婚故事：
林子博忧何伯被飞沦落街头
不过，另一位主持林子博则有所保留，除了担心何伯陷骗局外，亦深怕他若将来被飞会承受不了，甚至可能被子女抛弃而流落街头，十分悲凉。李婉华则反驳：「何伯唔会好惨，因为啲仔女已经攞起400几万，有咩事啲仔女会照顾阿爸，如果个声明系真嘅话。爱情咪再揾过第二个咋嘛，无论系长久定短暂都可以选择，因为佢有钱，要解决生理问题都可以做，好似Happy伯去屯门公园玩吓又得，对新何太亦冇坏，继续做佢嘅KOL、煲靓汤啰，真系无人输。」
李婉华被网民怒插乱带风向
对此，有网民开Po力斥李婉华竟Buy新何太「嫁富豪论」：「价值观错晒，一段爱情系包含好多元素喺里面，如果只系睇钱呢段爱情只系场交易，知唔知香港地有好多老夫老妻冇乜钱但感情好好，亦都好幸福……钱可以揾，够用就已经好满足。」不少网民都纷纷表示认同：「冇乜兴趣听李婉华讲嘢，师奶得来啲价值观有问题，反而同佢合作嘅林子博价值观值得赞赏」、「今集婉华想得太天真了，呢啲例子大把啦，到尾都搞到仔女阿伯都系输家」、「你要多views都唔使乱带风向，做个有良心KOL」。
其他文章：
东张西望丨何太亲回与何伯造人计划！自揭何伯上门第X次已发生关系？
东张西望｜疑似何太抖音帐号曝光！真面目吓窒网民 化名「千语BB」亲授钓金龟秘技？
东张西望｜全城追击何太何伯恩爱拍拖！揿钱养老公粉碎拜金传言？何伯被封「提款基2.0」
《星岛申诉王》推出全新项目「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
紧贴最新最快新闻资讯，请立即下载星岛头条App：https://bit.ly/3Q29Vow
