星8卦｜「好命」独力养家几亿身家再嫁低调扮穷做大赢家

更新时间：10:50 2024-04-05 HKT
发布时间：10:50 2024-04-05 HKT

女人为咗终生事业，即系揾个好老公，真系点都要用啲心计。「好命」而家真系几风光，但后生俾「前夫」恰到好似妹仔咁，带住一仔一女靠自己养。好彩期间佢都有唔少被包养嘅机会，「好命」叻在表面扮勤力，好钟意返工，但揾得几多吓，知道行情嘅人就明白，佢真正嘅钱嚟自定期唔同嘅老细，有啲男人系钟意呢种事业型但又特别温柔体贴嘅类型。

「好命」一收到大笔钱就即刻做投资，最叻系乜楼都买，呢几十年地产市道劲，佢即刻卖出买入，多多少少都存咗几亿现金。咁啱有个「专才」对佢生滋猫入眼，「好命」觉得系时候埋街食井水，睇清楚「专才」嘅背景，同自己一样有仔有女，佢就喺小朋友身上埋身，搞到啲细路唔再同亲生阿妈亲近，「专才」又觉得佢好大爱同无私。

其实「好命」要自己下半生做幸福女人，所以连自己嘅细路都送晒去外国，好彩身边有个钱够仔女用，咪专心为「专才」付出，始终系圈外人易氹又简单，「好命」极速嫁畀「专才」，仲做埋最成功后妈。「好命」醒在唔俾老公知自己有几多身家，「专才」咪博老命供养，聪明女人抵佢哋有好下场！

星8卦｜「甜甜」单亲影响专撬人哋老公博白头到老

星8卦｜「假人」恨出头靠合照乱放消息自抬身价犯众憎

星8卦｜「高型」介意「劲姐」过去搞男女关系影响感情

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ