星8卦｜「甜甜」单亲影响专撬人哋老公博白头到老

更新时间：11:30 2024-04-02 HKT
发布时间：11:30 2024-04-02 HKT

「甜甜」都过半百，但依然孤单一人，论样貌种种，佢真系keep得好好，绝对系有市场价值，呢个世界，唔同岁数有唔同客路嘛！但熟悉「甜甜」嘅都话佢抵死，喺最有货卖嘅时候，专勾人哋老公，不过次次又唔可以顺利上位，最终系两面不是人。

佢最贱格系撬自己经理人嘅老公，当然一条锁匙敲唔响，经理人一直照顾得佢好好，见佢一个女人仔冇乜人帮，真系掏心掏肺咁出力。点知有次俾经理人闺蜜撞到正，仲喺红绿灯见到老公车住「甜甜」两个人鬼咁烟韧，通风报讯之后一齐去捉奸，结果断正。「甜甜」奇在俾人踢爆之后就即刻唔同人哋嘅男友或者老公再来往，佢话因为无咗偷偷摸摸嘅刺激，所以觉得唔好玩，佢唔系谂住负责任，只系觉得试吓啲男人嘅定力，俾自己勾引得嘅都唔系好人。

呢啲歪理可能嚟自佢单亲家庭啩，自细阿妈跟佬走，同老窦相依为命，觉得阿妈唔啱，但又唔觉意咁扮演咗呢种角色。「甜甜」到而家都仲系好活跃，不过搞嘅对象都上晒年纪，话希望有一日啲男人会同自己白头到老，上咗年纪会认真啲，希望佢真系老有所依啦！

星8卦｜「假人」恨出头靠合照乱放消息自抬身价犯众憎

星8卦｜「高型」介意「劲姐」过去搞男女关系影响感情

星8卦｜「纯纯」嫁入豪门以为执到「少爷」出轨收厚礼另类赢家

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ