93岁黄夏蕙试过「畀鬼责」足一个月连工人都搣到瘀晒 渴望见到祥嫂：而家都好挂住佢
发布时间：19:00 2024-03-26 HKT
人称「夏蕙BB」的93岁黄夏蕙，在娱乐圈纵横近70年，当然遇过不少经历，日前黄夏蕙应「鬼王」潘绍聪邀请为《恐怖热线》担任嘉宾，在节目中分享3个从未公开的恐怖经历，黄夏蕙提到年轻时，曾与姐姐和姐夫同住跑马地山村道一个单位，试过连续一个月晚晚「畀鬼责」。
相关阅读：黄夏蕙赞老公好浪漫每年情人节都送花 过年后超忙为电影《夏蕙传》选角
黄夏蕙分享恐怖经历：
黄夏蕙去祥哥祥嫂别墅灵探
在节目中，黄夏蕙分享了多个从未公开的恐怖经历，她先分享了一个2年的灵异事件，当时是来自一次个灵探节目的体验，黄夏蕙说：「𠮶次系某网台邀请，去到一个地方好大又好阴沉，原来系祥哥祥嫂间屋，我个心即刻好唔舒服，因为呢两个系我嘅挚爱，系我两个最好嘅朋友，我哋又无所不谈，对于佢我系唔惊，我都希望或者可以见到佢，毕竟都过身咁耐！」潘绍聪指这间屋其实是已故武打影星傅声的故居，祥哥祥嫂亦未曾入住过，黄夏蕙说：「𠮶阵我哋同傅声一家都系好好嘅朋友，差唔多隔几晚就去傅声屋企唱歌，佢爸爸都钟意唱粤曲，成日喺屋企开音乐会。后期知道呢间屋系傅声嘅爸爸买嚟送畀个仔同甄妮结婚。」
当摄制队放好祭品后，黄夏蕙心想：「世侄我嚟探下你啫，我都想睇下祥哥祥嫂，睇吓佢哋有冇讲畀我听。」结果仪式过后，坐着的黄夏蕙突然感到「突然有个波喺我膊头飞过」，于是即场问在场人士：「你哋睇唔睇到个波？但系佢哋睇唔到，我咪当系同我玩。」后来，当他们在屋内四围拍摄时，摄影师竟拍摄到玻璃窗透出一个人影的相片：「𠮶阵个心系好惊，但系好明显系女人嚟，好摩登，好靓！」黄夏蕙直言希望那个人影是祥嫂：「我而家都好挂住佢！」潘绍聪就问如果真的见到祥嫂，有甚么跟对方说？夏蕙BB坦言会跟祥嫂说：「希望佢安息，最紧要喺下面过得开心！」
黄夏蕙亲眼目睹白色灵体飞走
而第二件令黄夏蕙最历历在目的恐怖事件，就是当年人称「万能旦后」邓碧云的丧礼前夕。当时有做花牌、花篮生意的黄夏蕙，平日只会做喜庆用的花牌，但因为当年邓碧云是她的好姐妹，故特意安排殡仪人士，到其位于匡湖居一起造花牌，并逐一为宾客写挽联。没想到，当她深夜外出买宵夜时，突然收到女工们的电话，很惊慌的说：「快啲来，有嘢呀，唔得喇！有只嘢飞咗来呢度！」当时黄夏蕙赶回家，发现众人齐齐躲起来，声称「灵体飞到楼上去」，但因为大家要赶造花牌，硬着头皮继续工作。没想到过了几小时，楼上突然传来声响，黄夏蕙忆述看到灵体的经过：「好似仙女，白色嘅，睇住佢飞，喺楼上一路飞咗出去海，离开咗！」但黄夏蕙事后相信是好姐妹来探望：「我有谂，应该系佢……系我好姐妹嚟嘅！」
娱乐圈艺人灵异经历：
黄夏蕙试过连续一个月晚晚「畀鬼责」
不过最令人毛骨悚然的，就是黄夏蕙年轻时持续一个月晚晚「畀鬼责」，黄夏蕙当时曾与姐姐和姐夫同住跑马地山村道一个单位：「𠮶阵晚晚都『畀鬼责』，仲要系每晚到特定时间就嚟，由脚一路责上来，我乜嘢经都念齐晒，但系佢都系唔肯走，成个人唔郁得，到咁上下佢就会走，走咗之后就飙晒冷汗！我啲工人就畀佢搣到瘀晒，家姐就打畀佢一巴巴咁打！」事后黄夏蕙和家姐四围打探，才得知原来这单位原本住着一对夫妇，有一日两人去游车河，在山顶位置发生意外反车，「一个吊喺树，一个死咗！于是呢间屋就顶咗畀我哋住。」结果她们立即找来高僧打斋，又安放了神位，每天装香供奉：「不过我都唔敢住，佢晚晚都嚟，所以跟住就搬走。」
其他文章：
重温黄夏蕙上头炷香破格造型！03年被扯甩假发 神心上香全因邓碧云凤凰女？
黄夏蕙92岁寿宴！细女Maggie激罕现身香港 气质神态倒模妈咪
黄榕「独食」单拖出席收钱活动掟走薛影仪 夏蕙BB仙女下凡应节
-----------------------------
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
