张致恒儿子确诊自闭及过度活跃症 老婆雯雯连番放负终醒觉：生活平凡安稳就足够
发布时间：13:00 2024-02-27 HKT
一度负评缠身的吴浩康转做「职安真汉子」，身兼数职养妻活儿后，昔日负面形象出现扭转，令演艺事业渐有起色，连带其好友张致恒的家庭生活再受被评击，今日（27日）凌晨时份，雯雯于IG限时动态发黑底白字长文，谈到两公婆不能出外工作的原因，因其中一个儿子确诊自闭兼过度活跃症。
相关阅读：吴浩康呼吁张致恒做地盘！劝张太唔好搞个老公 雯雯嬲爆反击：唔需要人认同
雯雯自爆儿子确诊自闭兼过度活跃症 ：
雯雯踏入2024年连番发生不幸事件
张致恒老婆雯雯今日（27日）凌晨时份于IG限时动态发黑底白字长文，分享踏入2024年只不过两个月，已经发生了不幸事件，她说：「一开始就已经好不幸，有最锡我嘅亲人不幸患上癌症，再有两个狗狗疴血，心脏+肝+胰脏炎；再有一个仔确诊autism plus hyperactivity（自闭兼过度活跃症），坦白讲照顾呢类小朋友， 无论系身心情绪都系好大嘅学习，我一个人真系冇能力，同一时间可以照顾到四个小朋友，应该话可以照顾到，但系会有一定嘅危险。」
雯雯感激老公努力学习照顾儿子
雯雯续说：「最近仔先跌爆咗只耳仔，医生同我哋讲呢类小朋友，一年起码会去几次急症室要有心理准备，而家每一日面对佢嘅行为情绪都系一个好大嘅挑战，同时因为屋企其他嘅小朋友仲好细，亦都会受到影响，我哋亦都要好努力学习点样可以得到一个平衡。」雯雯坦言在2023年压力接近爆煲：「虽然我个心里面确确实实系想离婚，亦都不断爆出唔同嘅情绪（不断流出大家所谓嘅笑），连我自己都觉得我自己有精神有问题，经常性会出现一个恶魔叫我带埋小朋友离开呢个世界就可以得到解脱。」她还说：「发生咁多事。好现实，咁话畀自己知，两夫妻已经唔系两个人嘅事，要照顾好佢哋一定要两个齐心，冇咗是但一个根本系冇可能做到，呢段时间我好多谢stevencheung 都不断学习点样照顾好啲仔，亦都实实在在多谢你同我一齐面对全世界嘅责骂（话我哋只系识借钱，又唔自己出去做嘢），当中嘅难处，只要我哋先会明白。」
吴浩康被张致恒老婆出PO反击？
雯雯望顺利等到外佣姐姐返工
雯雯还说目前唯一共识是做多两份工，请一个姐姐去帮手，才可以令其中一个完完全全抽身出去赚钱：「大前提系要姐姐实实在在到咗，我哋先可以出到呢个门口工作，好庆幸仲有唔够两个月时间，姐姐嚟到我哋就可以重生。终于可以靠自己唔需要再求别人嘅帮助，咁难先行到呢一步，呢两个月我哋又系咪真系可以咁好彩度过到？只要坚持唔放弃，就真系可以过到？」雯雯续说：「好攰，每日都真系好攰，我相信先苦后甜，呢一刻叫我做啲乜嘢犠牲啲，乜嘢我都愿意，如果可以换来将来可以有安稳嘅生活，其实牺牲自己又有咩所谓。既然咁难先可以行到姐姐差唔多嚟呢一步，上天可唔可以俾机会我哋过埋呢一两个月?」最后雯雯说：「发生咗狗狗嘅事，亦都令我醒觉，其实生活静静地平凡安稳就足够，自己嘅情绪自己知道就足够，如果能够过到呢两个月，我希望同自己嘅家人能够揾一个地方静静地度过，远离呢个公开又复杂嘅地方。」
其他文章：
张致恒雯雯出搲银新招一个月急煞停！收月费388讲性史床事 一原因终止合作
张致恒疑似与债主对话流出！揭一原因辞去性商品店工作惹网民狂轰
雯雯新年又狂数老公张致恒！谈离婚状况再爆Seed：个个净系识话我发癫
---------------------------------------------------------
《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF
想睇更多精彩内容，请立即浏览「区区有申诉」活动专页，https://bit.ly/41hgS9E
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
