Patrick Sir林溥来父子为女闹不和？被直击「争女」举动：你有几爱佢呀

更新时间：21:00 2024-01-29 HKT
发布时间：21:00 2024-01-29 HKT

46岁Patrick Sir（林溥来）2016年与关宛珊结婚，现育有2岁囝囝林若嘉（Preemo），一家三口住在市值3千万的大围3千呎豪宅。Patrick Sir是暖男爸爸，夫妻俩都经常在IG分享家庭趣事。昨日（28日），Ptrick Sir在IG分享了一条有趣「争女」片，影片中他与囝囝都说：「妈妈系我老婆嚟㗎」，Patrick Sir更问囝囝：「你有几爱佢（妈妈）呀」，网民都指父子「争女」片好好笑！

Patrick Sir父子「争女」逐格睇：

Patrick Sir与太太关宛珊经常在IG分享家庭趣事，他昨日在IG上载一条爆笑又充满爱的短片，关宛珊在IG写说：「《呃人生仔系列》，边个话生女先嗲？其实生仔先系最嗲，我都唔知我系边个个老婆喇~不过是但啦~我继续沉醉喺我嘅爱河，#我哋个BB仔#洋葱头Preemo#33m10d」。原来当日刚收工回家的Patrick Sir向太太说：「老婆，我想……」岂料囝囝Preemo复制他的说话，对于「争女」一事，Patrick Sir接受《星岛头条》记者访问，他哈哈大笑表示：「𠮶日我抱住Preemo食紧嘢，佢坐上嚟我度，我嗌Kimmy老婆，佢一听完就讲『妈妈系我老婆』，我觉得咁搞笑就即刻引Preemmo讲多次，同时叫老婆录低，佢指住自己心口𠮶下真系好搞笑，好man呀！」

Patrick Sir不会呷囝囝醋

Patrick Sir指自己身为爸爸当然不会呷醋，反而觉得Preemo好man，最近囝囝更经常与妈妈说：「妈妈系我老婆！」Patrick Sir称：「可能学紧我啦！佢又唔知老婆系乜啦！开始用啲字玩，或者同我平时一路灌输佢都有关系嘅，同埋我单独同Preemo一齐嘅时候，都会同佢讲「我哋系男仔嚟，要好钖妈妈！我哋要保护妈妈！男仔责任感大啲，要保护女仔」，可能咁样令佢对男、女之间嘅感觉强烈啲。」

Patrick Sir身教做好榜样

2岁多的Preemo已经口甜舌滑，学习进度快，所以Patrick Sir也会身教做个好榜样以免囝囝学坏，Patrick Sir说：「佢学嘢快到爆炸，你一讲咩，佢就跟，我试过有一次，好好笑，佢试过喺张高櫈度想擒落嚟，好危险，我就反应好快，「喂！」，佢即刻停咗，隔一阵讲『喂』，我都忍唔住笑，本来嬲紧佢，依家真系唔可以乱讲嘢。」网民也留言笑指，「笑死，两父子争女」、「人细鬼大，口甜舌滑，叻仔，系味学嗲嗲呀，身教」、「Preemo越嚟越会更叻仔，睇佢个可爱笑容就知醒目仔嚟」、「终于出现争妈妈呢个画面啦，咁妹妹快啲出现啦，一人一个唔洗争」、「口甜舌滑，真系冧爆啦Kimmy妈妈！仲要赞你靓！真系晕得一阵阵」、「好Sweet.....做妈咪几辛苦，都唔觉得攰」。

关宛珊也回复网民称两父子「争女」争了很久：「争咗好耐㗎喇！以前用行动争，而家讲到出口，又惊又喜又甜又冧，唔到爹爹呷醋呢，Preemo叻好多，一日锡我一百啖。」