MIRROR演唱会丨AK胞兄捧场引发公关灾难！指Anson Lo似冯素波又似钻石人焫㷫神徒要道歉

更新时间：23:00 2024-01-22 HKT
发布时间：23:00 2024-01-22 HKT

MIRROR一连16场演唱会《MIRROR FEEL THE PASSION CONCERT TOUR 2024》于上周日（15日）在亚洲国际博览馆展开，12子的家人都陆续入场睇骚。MIRROR副队长AK江𤒹生的亲哥哥Ambrose昨晚（21日）亦有入场支持，更不忘在IG打卡，却被指公然狂踩AK队友Anson Lo卢瀚霆，又疑似嘲讽Edan吕爵安，焫着细佬队友。

AK大佬睇演唱会焫着MIRROR队友？

AK哥哥Ambrose昨日于IG Story以「GOOD SHOW」鼓励细佬，本来没甚么特别，但他其后竟转发疑似为其友人拍摄的一段Anson Lo片段，友人以「冯素波」来称呼Anson Lo，Ambrose则回应称：「真系好似海贼王入面嘅钻石人！」似乎是指日本动漫《海贼王》中白胡子海贼团的第三队队长Diamond Jozu，这个角色能够全身化为钻石，扺挡强大的物理攻击。帖文一出随即引起一众「神徒」不满：「真系好唔尊重人」、「话晒都系AK团员」、「好冇礼貌」，虽然其后已经删除，但仍难熄众怒。

除了Anson Lo外，Ambrose下一个IG Story同为转发影片，内容为Edan担任演唱会彩蛋环节的片段，当时他分享了一个有关拍电影前小朋友妈妈患癌症的故事，并写上：「寻日听完呢个彩蛋，心谂佢系咪想写保险，不过真心好感动。」由于Ambrose正职为保险顾问，有指他可能因此感受特别深，但亦有人认为他是取笑Edan。

立即为AK撇清关系

Ambrose最初回复一名粉丝指：「等我解释一下先，冯素波就真系我粗心大意，如果我见到就一定会转发，这都是我会del post的原因，呢啲系我问题，我愿意承担责任，你哋要怪就我好啦。」至于指Anson Lo像钻石人：「钻石人方面，或者我讲解下钻石人由来，因为我由细到大都睇海贼王，有个好似钻石一样坚强，佢呢套衫令我换咗喺呢个童年嘅回忆，而且佢真系跳得好好睇，令到你又误会，希望可以解答到你，亦都希望令你可以开心返。有咩问题随时可以PM我。」

MIRROR演唱会精华重温：

眼见事态严重，Ambrose即公开回复各粉丝表示：「系时候到我公开解画啦，首先澄清第一样嘢，本人对AL就冇任何恶意，真心欣赏佢嘅表演表现，真系精彩的。其次钻石人在我心目中系一个非常正面嘅角色，佢忠心而且坚强，相信有睇过海贼王顶上之战都会明白。再深一层嘅解说，每一粒钻石都系独一无二嘅存在，代表住纯结同坚硬；第三因为牵涉到另一位娱乐圈嘅前辈（冯素波），所以最后都系决定DEL POST会比较适合。」

他其后再为Edan一事解释：「另一方面首先再次澄清，本人对EDAN十分欣赏，绝对没有半点耻笑之情。其次岩布仙尼系佢自己讲的，我更没有取笑成份。『保险』二字对我而言，除咗系我嘅职业之外，喺我眼中都系爱与责任，我绝对唔认为呢一样嘢系个贬义！而佢面对紧嘅果种无法控制无法改变的无力感，系我经常需要面对嘅一个唔好受嘅情绪。所以昨晚喺现场的我，真系好感触有好深感受，我好有共鸣感。我都忍唔（住）流咗一滴眼泪。所以如果有任何误会，诚心抱歉。」

自认与MIRROR成员为朋友

最后他又表示：「最后成件事，我想讲少少感受。我睇住佢哋12个由参赛，都上我屋企倾点样去比赛，再去到出去开SHOW，再去到之后大家曾经成为PARTNER，佢哋嘅高低起跌，我都喺身边。其实对我嚟讲佢哋全部都系我嘅朋友，所以我更加唔会对佢哋有恶意。我明白当中系有一点误会，或者我表达都未够好，呢一样我都会引以为戒。而且我都明白其实好多粉丝，其实佢真系好爱佢哋嘅偶像，多谢你哋嘅支持，佢哋先至可以继续走落去。其实我公开得我个帐户，我有一直讲咁多时事评论嘅事情，其实就系想鼓吹一个更加开放嘅讨论空间。所以大家有任何问题或者帮忙都继续DM我，希望可以消除大家嘅情绪，令大家都开开心心。」