星8卦｜「少爷仔」追求「妹仔」玩纯情落错注揭「妹仔」性取向

更新时间：11:00 2023-11-07 HKT
发布时间：11:00 2023-11-07 HKT

「妹仔」真系好聪明，一直吊住「少爷仔」嘅胃口，欲拒还迎，搞到「少爷仔」个心啰啰挛。「妹仔」单亲家庭长大，阿妈对男人完全失去信心，自细佢就见两个女人出双入对，同床共寝，所以佢觉得两个女人一齐系好正常好开心。「妹仔」喺学校亦都同女仔玩埋一堆，虽然佢个款系会有好多男仔追，她始终不为所动，可能老窦成日打到阿妈猪头咁，见得多有童年阴影啩！

「少爷仔」都唔系纯情，恃住个老窦够猛料，无人唔畀面，沟女沟到中港台三地，「妹仔」看在眼内，梗系唔会咁易落搭，所以用吊大鱼嘅方法，睇吓「少爷仔」几有耐力，反正佢又唔系特别对男仔有兴趣。每次收工「少爷仔」都亲自送「妹仔」返到屋企门口，然后多多借口唔肯走，情况好似一对少男少女搞紧初恋，感觉几动人，所以「少爷仔」今次竟然玩认真，觉得呢种感觉前所未有，决定同「妹仔」纠缠下。

最终「妹仔」顶唔顺，有次约「少爷仔」去下午茶，然后叫埋自己𠮶位女朋友出嚟介绍畀「少爷仔」识，话明自己唔会钟意男仔，大家保持好朋友关系都未必好，「少爷仔」无瘾到一个点，继续同众多女友风流快活，唔再认真。