星8卦｜「死蠢」钟意生仔长期投资错误做四奶但求生活安定

更新时间：11:30 2023-08-15 HKT
发布时间：11:30 2023-08-15 HKT

「死蠢」历尽情伤，识一个就同人生一个，女人有时真系胸大无乜脑，同「假君」一齐以为佢喺出面有头有面，二话不说就大埋个肚，未生𠮶阵就俾人踢爆佢系空心佬倌，仲话啲人屈「假君」，出嚟护航，直到成层楼无咗至知今次大镬嘞。

然后又同「奇怪」喺埋一齐，有名你叫，佢真系好奇怪，由一开始就叫「死蠢」畀晒生活开支，毕竟佢同之前几个男人比较嘅质素高啲，尤其身材，「死蠢」对高大男人一向有好感，谂住生个仔高大威猛就好嘞。「死蠢」真系好生得，虽然阿妈日闹夜闹，但佢好似食咗迷药咁，对「奇怪」毫无要求，当然生完就醒晒，好快又带住个仔自己养啦！

好彩而家嘅「叔叔」真正有实力，个个月畀6位数生活费，为表诚意，佢又好快生咗个女，不过今次好大方成日带几个细路出嚟见人，但当然唔会见到老窦个样，仲要话畀人知自己低调结咗婚。事实系「叔叔」已经有老婆，仲有两个情妇，「死蠢」只系排第四，但又怕俾人话啲仔女全部无老窦，惟有讲一个大话，为自己挽回面子，不过点都好，生活无忧就已经令「死蠢」唔使再俾阿妈日哦夜哦！