独家丨钟雨璇被渣男分手变驼鸟：边个男人唔食鱼男友支持追梦出歌自High

更新时间：07:00 2023-08-07 HKT
发布时间：07:00 2023-08-07 HKT

歌手钟雨璇(O3)和Rapper Slept Kid推出新歌《Metaverse 360》，系一首关于360度元宇宙嘅故事，虽然𠵱家出歌冇回报，但她坚持想自High，更难得男友Edward都系音乐人支持她追梦。不过，钟雨璇自爆艺术家男友比较会「跳掣」，尤其对音乐好执著会发脾气，只好默默忍受，直言：「我系犯贱，向来会迁就另一半。」采访：方骞平

钟雨璇太投入恋爱，自认系犯贱。

钟雨璇和Rapper Slept Kid推出新歌《Metaverse 360》。

Rapper Slept Kid嘅装扮曾被误会系同性恋者。

新歌《Metaverse 360》灵感来自美剧《Black Mirror》其中一集，讲一班临终前嘅老人家，可以喺虚拟世界里面，拣一个自己钟意嘅形象及生活环境延续生命，因而忽发奇想做一首关于元宇宙嘅开心歌，揾埋Slept Kid crossover。MV中O3有唔少造型，还拉埋Slept Kid扮宅男跟饰演机械人的她互动谈情。

被旧爱拍瘀大髀

讲到恋爱史，O3于ViuTV节目《晚吹- 恋讲嘢》接受193访问时自爆曾跟渣男交往，为对方洗底裤时发现留有偷食污渍，但仍默默忍受，最终喊住被分手。她承认喺感情上比较任性，最重要系钟意，就会投入到犯贱地步，乜都就晒对方：「我仲试过同另一位旧爱嘈交，佢激动到拍枱拍凳，拍到我大髀瘀咗半个月…好彩𠵱家同Edward会互相忍让，大家系会有沟通，不过，佢都有脾气，讲到音乐会较为主观，大家争论过后，佢会过嚟锡啖𠱁返我，音乐人就系咁『跳』，咁有意见才会进步。」过往经历令O3学会变「驼鸟」：「𠵱家我唔会再偷睇男友手机，见到索女边个男人唔食鱼？要呃嘅点都呃到你，唔好讲男人呀，都有大把女人去偷食啦，唔去查探就永远唔知，男女相处最重要大家忍让，接受唔到咪分开啰。」

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ