星8卦｜「拆弹」衰高调被冷落「芝芝」靠「老公」支持低调搞事业上位

更新时间：11:00 2023-07-25 HKT
发布时间：11:00 2023-07-25 HKT

「老公」又换新欢，之前𠮶位「拆弹」虽然好钟意，但佢衰在玩高调，令到「正印」好唔高兴，搞到老爷出手调停，对方成日谂多咗，以为可以赶走「正印」，男人一定拣自己呢种姣且骚，但佢唔明白有钱人屋企总要一个可以见得人嘅花瓶，「正印」干净又叻女，所以先可以坐正。

「老公」癖好系胸前伟大，外表乖巧清纯嘅「芝芝」合晒佢胃口，除咗衫系第二个样，更好系「芝芝」好喜欢演戏，事业心重，喺埋一齐之后就问「老公」拎钱搞制作，自己钟意拍乜就拍得豪爽，跟住「芝芝」嘅团队绝对系收到足，不过大家都奇怪佢钱从何来？

好似拍只MV，用嘅人劲过拍天王天后嘅幕后，仲喺外国请人返嚟话要畀人知有大水喉来自外地想靠佢打入大湾区㖞，真系当听嘅人系傻仔。不过「老公」真系好锡「芝芝」，两个人成日坐私人飞机周围去玩，又疯狂买衫畀「芝芝」，但呢个女仔唔系好同佢讲物质，情愿自己出名啲努力揾真银，仲好怕俾人知佢哋嘅关系，所以「老公」同佢Happy得开心，就更多爱得痴缠。