星8卦｜「大姐大」后生专做第三者揾刺激老嚟免费送外卖无人要

更新时间：11:00 2023-07-14 HKT
发布时间：11:00 2023-07-14 HKT

呢排「大姐大」红到连自己都估唔到，但热度一过咪又打落凡间做普通人！

「大姐大」又未真系点样红过，靠一副标致样貌后生𠮶阵真系几受男人欢迎㗎，连「二世祖」对佢生滋猫入眼，介入咗「吸胸」做第三者。

讲开又讲「大姐大」真系有铺瘾，成日钟意搞人老公。好似当年佢搏杀期间有个经理人好姊妹「娇姐」，成日同人哋两公婆三人行，久而久之同「娇姐」老公上埋床，「娇姐」啲朋友知道即刻打小报告，「娇姐」唔怪「大姐大」反而怨自己老公唔生性，即刻申请离婚，老公以为今次可以顺利解决，点知回复单身之后，「大姐大」竟然同老公提出分手，理由系唔想破坏人哋家庭，但一开始佢𠮶种胜利第三者姿态，激到「娇姐」情绪出晒事噃！

咁多年「大姐大」都无谂过揾好码头泊，又或者佢嘅言行唔会令男人想娶佢返屋企，到近几年知道自己可卖嘅货唔多，开始揾老男人埋手，但人哋有条件就梗系揾后生靓女啦，摸落皮光肉滑身材正，「大姐大」边度有得比呀，可惜佢唔明白男人心理，仲成日抛个身出嚟想泊岸，贪你有名气咪食一两次啰，随时钱都唔使花，「大姐大」蚀住送外卖一直唔清醒，都咪话唔系一出悲剧！