星8卦丨「公子」好赌成性「痴情」劝睇心理医生继续赌分手收场

更新时间：10:00 2023-06-09 HKT
发布时间：10:00 2023-06-09 HKT

唔知点解娱乐圈零舍多赌徒，而且赌到唔识收手，有啲仲搞到财困，「公子」就系最好例子。当年一出道已经顺风顺水，早年要揾钱，只要你肯郁手，钱就会送到你手上。𠮶阵佢有个依家被视为超好演技嘅影后女友，爱到要生要死，最终离佢而去，原因都系因为一个赌字。

「公子」无聊到同一班朋友食饭，都可以赌今晚嘅菜单有无人叫咗鸡，而赌注就成10万蚊人仔。有时更无谓系赌今晚啲鸡好唔好食，影后女友初时仲成日劝佢唔好，将辛苦揾返嚟嘅钱乱fing，点知话唔听仲嗌分手，两个人变怨侣，老死无往还。但有啲人就系桃花旺盛，唔知点解出名cool又唔易钟意人，但钟意咗就一生一世嘅「痴情」，甩咗「小鲜肉」之后，或者为治情伤，畀「公子」嘅外表呃咗，加埋大家咁高咁大，外人睇系绝配。

不过结婚后「公子」嘅好赌本性更犀利咗，以为娶咗咁叻揾钱嘅老婆实唔忧赌，得闲去下梳打埠输几百万，股票麻雀上赌船，总之逢赌都啱，搞到「痴情」要佢去睇心理医生。后嚟两个人生埋细路，个仔又有啲缺憾，谂住做下慈善回馈社会，点知有钱仲赌得大，搞到债务缠身，「痴情」帮无可帮，惟有带埋阿仔走人自保。

星8卦丨「靓声」防疫大阵仗全方位保护奇招开工免家人中招

星8卦丨「巴闭」出事后低调来港生活怕被人认到唔出街免麻烦

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ