江若琳下月卸货开心公布BB性别 Oscar胆生毛爆老婆躁底惟有死忍

更新时间：11:30 2023-05-26 HKT
发布时间：11:30 2023-05-26 HKT

现年35岁的江若琳（Elanne）与老公萧唯展（Oscar）去年圣诞节前夕宣布怀孕，下个月便是预产期。近日二人举行Baby Shower（产前派对），江若琳昨晚（25日）更于社交网公布BB性别，她开心写道：「It’s a boy. 好多朋友仔都估中左，好叻呀你哋！好明显我都系一个陀仔样，希望生完会消肿。」

【点击睇江若琳派对照】：

江若琳续指，恭喜老公终可父子档睇波：「呢几年你成日无限幻想第时有个仔同你去睇英超，你又话要有个仔第时培育佢踢足球，我每次都话有咗先讲啦，到有咗嘅时候成日话一定要个仔，恭喜晒，你又梦想成真啦。登登，生煎小王子驾到，以后多个人陪你包生煎包啦，而我又多个男人锡我啦，全屋被仔包围住好有安全感！因为我两只猫都系仔。#多谢我班好有仪式感嘅姐妹团 #送呢个惊喜派对畀我 #佢哋话一定要有welcomebabyparty」相中所见，席间两公婆又相拥咀嘴，非常甜蜜。

随后Oscar亦出Po与太太大耍花枪：「老婆辛苦晒，你就快可以卸货了，呢几个月真的不简单，所以你每次闹我，我都唔出声，惟有死忍，爱你不需要理由，最紧要你开心，我会好好珍惜余下两星期的二人世界，儿子将来一定会是一只有雀嘅脚仔。」江若琳即爆笑回复「好烦」二字，大放闪光！