星8卦丨「阿妹」受尽情伤拣啱「纯品」托终身重新出发

更新时间：10:00 2023-05-16 HKT
发布时间：10:00 2023-05-16 HKT

女人拣老公最紧要带眼，拣啱唔易架。好似「阿妹」自细都系屋企嘅皇帝女，虽然话唔忧嫁，但最弊一直要拣出名又靓仔嘅对象，通常系恨你嘅身家，又或者靓仔无本心，出面好多女人，你都咪谂自己系唯一一个。

话说佢同「好仔」一齐𠮶阵，出埋钱畀人做生意，自己就爱到失晒魂，对方成日若即若离，搞到幻得幻失，虽然有知情人士话「好仔」深心处系钟意男仔，「阿妹」可以被公开，系因为背景猛有助仕途，当年又后生真系好索，姑且同佢一齐玩下试下，点知「阿妹」太认真，成日想结婚生仔，结果梗系分手收场。

呢次「阿妹」真系好伤，成班朋友介绍几个富二代佢识。𠮶晚3个笋盘啱「阿妹」心水嘅，有「小鲜肉」同「纯品」。阿妹谂住拣第3个「公子」，点知两个闺密即刻跳出嚟话女得个样，其实系道友，另一个「小鲜肉」就女朋友似走马灯，梗系拣「纯品」啦！

「纯品」最啱「阿妹」系够高大又有名气，佢一见到「阿妹」就心心眼，呢个世界你爱我多啲我就幸福啲，所以「阿妹」好快就同「纯品」做男女朋友。最好系乜呀，你哋以为「阿妹」屋企多金，原来「纯品」背景仲猛料，咁多年佢唔驶点做系因为老豆有权有势但好低调，依家一对后生仔女修成正果，双方家长同一班老友都相信世界上系有金童玉女同真爱！