港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

头条独家丨张秀文冧爆:唔心急要砖头富贵未婚夫两度提出送豪宅新盘

即时娱乐

更新时间：11:39 2021-12-03 HKT
发布时间：01:00 2021-12-03 HKT

笑得好甜每次讲到未婚夫，张秀文会由个心笑出嚟。

34岁「TVB咪神」张秀文（Sammi）闪嫁拍拖1年多，有家底嘅39岁金融才俊王大权(Billy)，出身自基层家庭嘅Sammi被指揾到笋盘，嫁入豪门可以「上岸」，Sammi强调冇向男家提出任何结婚需求，反而Billy却想帮她圆置业梦两度主动提出送楼，好让她有「揸拿」，但Sammi坚决唔要住：「等第日家庭人口多咗先揾屋啦！」采访：方骞平摄影：叶君海化妆：Henry li 发型：Kin Tam @ Aveda il colpo 场地：Da Filippo Trattoria

有置业梦张秀文当年喺《我要做业主》中公开有个置业梦。

甜到入心挨住王大权膊头，张秀文一脸幸福。

呢个爱情故事源于去年情人节嘅家长BBQ活动，「金牌媒人」阿Bob(林盛斌)心血来潮分别揾Sammi及Billy出嚟撮合良缘。张秀文忆述：「当晚我哋真系冇乜机会倾到偈，直至佢送我返屋企途上，唔知点解架车行极都返唔到屋企，车程比平时用多咗20分钟。」记者笑Billy特登咁做，Sammi即为未婚夫辨护，「佢唔熟路，我哋顾住倾偈所以Miss咗个路口啩！当时话题都系环绕『呢排忙唔忙呀？』呢啲冇聊嘢，而疫情下Billy开始派口罩，于是交换咗电话约去做善事。」

未婚夫主力搞婚事
「金牌媒人」真系唔系浪得虚名，BBQ翌日，阿Bob已即打畀Sammi跟进，「猛叫我主动打畀对方倾偈，哗！女仔好少咁进取，我就不停以洗紧碗做借口，最后佢忍唔住叫Billy私讯我，于是大家就吹咗两句水，共同话题都系取笑阿Bob太心急。不过坦白讲，冇佢咁『尽责』件事又唔会推进得咁快。」现跟未婚夫同居嘅Sammi未知几时过门：「结婚一生人一次，佢想大搞婚宴同朋友开心share，但疫情下好多制肘，𠵱家仲未揾场地，我冇意见放手交畀佢处理。」由于王大权有家底，问到礼金多少时？Sammi即说：「呢啲唔关我事，交畀佢同我妈倾，佢想畀几多就几多，佢同我妈妈交待就得喇，我妈妈系冇所谓嘅。」她强调结婚唔系交换条件：「如果有需要提升我屋企人嘅生活就由我嚟解决，我哋冇要求，反而佢有提出，话睇过我做《我要做业主》嘉宾好想帮我达成置业梦，我就大笑推说『节目嘅嘢你都信？』其实我真系想有砖头，但唔系靠人哋送。」

火速影相虽然未知婚期，但两人已急不及待影结婚相公告天下。

好快求婚王大权觉得自己已到适婚年纪加上揾到啱嘅人，所以好快求婚。

准人妻推过未婚夫好意后，Billy之后睇到黄竹坑一个豪宅新盘又再旧事重提，「哗！我觉得太贵，第日拣啱先算啦！可能将来家庭多咗人口要搬呢！我都唔心急要砖头，保持住首置条件买楼会有优惠！𠵱家我住喺佢屋企，间屋冇加埋我名，但佢见我乜都冇就话『𠵱家结婚将我送畀你，我有嘅嘢，有一半都属于你！』呢句真系几感动嘅，其实佢爱我已经好有安全感！」

俾Billy激到嬲住笑
Sammi自爆跟Billy不时会为一啲鸡毛蒜皮嘅事吵闹，甚至被对方形容一挞就著，但好快𠱁到佢嬲住笑：「佢有好多歪理，例如『我畀个更差嘅选择你，咁你咪觉得呢个好好啰！』虽然有时系好激气，但转头又变返糖黐豆，瞓醒谂吓『咁样畀佢激吓，激一世都开心呀！我哋两个人平平淡淡相处都几舒服。」对于被指嫁得好，揾到高档饭票，张秀文一律视为祝福照单全收：「好唔好自己知，人哋觉得我嫁得好应该当作祝福，起码佢行出嚟啲人觉得佢系好，系叻仔，作为另一半感到自豪。」准王太边讲边笑，真系甜到入心。