港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

头条独家丨Lokman AK笑指衰贪靓姜涛叉电后已冇大碍

即时娱乐

更新时间：21:11 2021-09-15 HKT
发布时间：21:00 2021-09-15 HKT

姜涛出席活动时，一度面青口唇白。

姜涛昨日出席活动时，一度因胃痛突然晕倒，今日MIRROR队长Lokman及副队长Anson Kong（AK）为合唱新歌《虎道门》接受《头条日报》专访时透露，姜涛休息过后身体已冇大碍，Lokman又笑指姜涛衰贪靓而出事，他们又为事件引发种种是非解画。撰文：杜杜摄影：叶君海形象 :PIPA Creative 发型：Man Chan @Chic Privat i Salon 化妆：Giann Cheung @AnnieG. Chan Makeup Centre 服装：Harvey Nichols, Giuseppe Zanotti 场地：Jas Party

姜涛在活动上脚软晕倒。

近日姜涛正忙于拍摄首部电影作品。

Lokman话姜涛休息一晚身体已叉足电，又笑指对方衰贪靓出事，「佢之前拍摄太攰啫！又拍到凌晨，又第二日咁早，贪靓又着长褛焗得滞，冇辧法上得台真系要靓仔啲，着件褛睇落系几有型，太单薄真系差少少。」AK表示姜涛已向队友报平安，「佢喺Group度有同我哋报平安，OK冇事，休息后好咗好多，多谢大家关心。」

姜涛经常挂在口边话减肥唔食嘢，今次会否因挨饿出事，AK就认为唔关事，「大家都知道唔可以好似第一次演唱会咁唔食嘢，所以大家都系keep住食嘢同keep住去做运动，不过阿姜系呢排套戏日夜颠倒，令佢个胃适应唔到，佢又好睇重好紧张，可能压力令到佢个胃痛，呢几日佢个胃都唔舒服。」

事件令花姐被批评安排姜涛工作时间太密。

日前张学友为港姐决赛担任表演嘉宾。

同「歌神」冇得比

对于有fans怪责花姐将工作排得太密，令姜涛出现过劳情况，AK和Lokman就觉得不应怪责公司，更指花姐及工作人员比他们更攰。Lokman说：「花姐仲攰呀！（AK：花姐真系仲攰，我哋瞓几多，花姐一定少过我哋。）我哋一个都攰，佢仲要照顾咁多个仔，你谂吓再乘番咁多倍。」AK再补充：「理解大家对我哋嘅关心同埋呵护，但系我哋绝对明白，食得咸鱼抵得渴，我哋自己拣嘅，呢个唔关公司事，㖊日睇到呢啲comment都有啲唔开心，忽然成件事怪责咗落公司度，希望大家厘清番件事。」

讲到有指日前「歌神」张学友相隔20年担任港姐决赛表演嘉宾，有人拿阿Jer和姜涛作比较，指阿Jer才是「新歌神」，而姜涛人气亦劲过对方，更引发网民骂战，怀疑姜涛因此事情绪受影响而出事，Lokman和AK就澄清应该无关，亦认为姜涛绝对不能跟「歌神」比较，更希望外界用互相欣赏角度更好。AK说：「唔好睇阿姜咁重，边有得同『歌神』比呀！哈哈！学友前辈真系好大嘅前辈，我哋个个都好钟意佢，佢系一个学习对象，好明白呢段时间大家好容易将我哋同人哋比较，喺我哋眼中我哋一定系be humble，我哋仲有好多嘢需要学习。（Lokman：同埋换角度唔好比较，试吓欣赏。）」