【头条独家】亡妻离世1年 父女扶持走出阴霾 黄日华做「跟得老窦」陪女行街
更新时间：14:06 2021-06-19 HKT
发布时间：22:00 2021-06-18 HKT
发布时间：22:00 2021-06-18 HKT
字体大小
上月初踏入31岁的黄芷晴，早前向传媒透露恨识男朋友，惜至今仍未有追求者埋身，又难怪她会单身嘅，事关除了忙于摆档卖自家饰物外，近来芷晴都一尽孝顺女责任，成日陪伴喺爸爸黄日华身边，似乎都冇乜机会Date吓异性。日前晚上近9点，一身运动Look的华哥孭住两大袋DECATHLON战利品，与戴上帽、穿连身白恤衫的芷晴现身一田扫零食，59岁依旧大大只的华哥负责推住架车仔，囡囡就专心执薯片，虽然爸爸行得有啲快，但两人都算合拍。
跟实囡囡
畀完钱，芷晴即帮手拎晒两大袋嘢食，不过一出门口见到啲蛋糕、饼干，为食的她又停低手指指，之后仲行埋入舖慢慢睇，华哥就默默跟喺囡囡身后陪逛。结果兜咗一圈都睇唔啱，二人便上3楼GU睇衫，芷晴主攻连身裙，华哥继续毫无怨言做「跟得老窦」，最后芷晴又入手一条黑色恤衫长裙。满载而归的黄氏两父女，双双落停车场会合一名友人取车，临上车前，华哥先饮啖茶再叹番支烟才离开，睇嚟陪个女行咗成晚好攰吓㖞！
