【头条独家】《浊水》演露宿者一周激减20磅 蔡思韵爆朱栢康拍摄一度见晕
更新时间：23:19 2021-06-03 HKT
发布时间：22:30 2021-06-03 HKT
发布时间：22:30 2021-06-03 HKT
字体大小
Cecilia虽然初次跟导演合作，但早已试过一齐跳舞，「我𠮶时系中学生，Jun系大学生，我哋喺一个跳现代舞嘅活动合作，一齐玩一齐跳舞认识，咁多年冇见，我都有睇佢作品《翠丝》，我casting呢套戏相认番，好有趣好多年冇见，casting𠮶阵都有个熟识感。」
演技出色真假难分
为了演露宿者，朱康除了到深水埗观察露宿者生活状态外，更专登为角色挨住饿在一周内激减廿磅，「我个方法咪唔食嘢，一日食一个苹果，我住好近山，每朝跑山，会跑45分钟至1个钟，会check住心跳，去到礼拜尾喺个山度见晕，就跑番平地，个几礼拜后都达标，开拍冇力就开始食番啲菜。（蔡：破地狱场戏佢差啲晕！）因为keep住食好少嘢，减到我都觉得黐线，朋友佢话『你劲过Christian Bale，佢收几多钱你收几多钱，你都可以做到你仲唔系劲过』，去到破地狱𠮶场真系晕，虽然体力上唔需要好多，但系脑消耗，你嘅集中，咁长时间拍摄真系好辛苦。」
讲到跟吴镇宇和谢君豪合作，Cecilia指镇宇哥演技出色到真假难分，「佢喺现场就算唔系拍紧，会唔够胆靠近佢，佢唔出声好专注喺角色度，但系去到庆功宴佢成个小朋友咁，好讲得笑同我哋玩埋一堆，完全系两个人，原来𠮶阵系角色嚟。」朱康就感激君豪哥多次相救，「用佢个角色嘅选择去救咗我，有时慢咗（节奏）你唔知，佢可以带到你喺番个正轨度，喺片场君豪哥系好take care我哋，好主动亲近我哋倾偈。」
最Hit
长生津覆检开始！长者注意紫色通知书 未如期申报或被暂停津贴（ 附最新资产限额＋填表须知）
2026-04-03 19:21 HKT
买彩票赢近2500万元海景豪宅 幸运夫妇住半年「嫌太大」 决定放售套现换楼
2026-04-03 16:45 HKT
