港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】移居台湾三个月遇制水及地震董敏莉直击疫情生活停电最唔惯

即时娱乐

更新时间：17:05 2021-05-21 HKT
发布时间：19:42 2021-05-20 HKT

董敏莉喺附近大型超市买唔到牛奶，好彩两岁半囡囡Martha𠵱家食紧大人嘢，仲会饮少量人奶。

台湾疫情变得严峻，今年2月同律师老公庄耀金，带着两岁囡囡Martha移居高雄的董敏莉（Monie）报平安，她表示全台湾都升到第3级警戒区，要遵守限聚令及保持社交距离等。抵台3个月，她先后试过大停电、制水及地震，在香港生活40年从来未经历过的事一次过经历晒。采访：方骞平

高雄美术东二路条街变得好冷清。

商场Food Court得返几个食客。

居于高雄鼓山区嘅董敏莉透露高雄疫情不及台北及新北咁严重，但大家都少咗外出，她说：「目前出外要戴口罩，去商场、停车场都要量体温、消毒及实名登记等，市面人流少咗，公共设施如游泳池、游乐场、商场儿童天地等都暂停开放，但Food Court、餐厅都有开，而每个座位有胶板相隔。超市嘅日用品、粮食及蔬果存量算OK，都唔使去盲抢。」

另一间超市得返啲「卖净蔗」，选择唔多。

厕纸有大量，唔使争。

学识放水喺枱底
始终家有小朋友，所以Monie都要出外买新鲜餸菜，「最近我分别走访过两间附近嘅超市，见到超市菜架嘅菜都俾人买晒，好彩仲有鲜肉、水果，都够食几日。至于另一间大型超市嘅牛奶就俾人扫清，而厕纸就货源充足。」上周因为供电能力不足，临时宣布要执行紧急分区轮流停电，她的寓所由下午3点几到晚上8点几分3次停电，每次大概一小时：「最唔适应夜晚食食吓饭成屋黑晒，有少少唔知点处理，最惨大厦嘅后备电制未搞好。下次宣布停电时，要马上将电话及电脑充电，然后去冲凉，因为停电后实在太热。」另外，两公婆有晚试过晕一晕，原来遇上地震都唔知，「听返邻居讲，遇上咁嘅状况要带埋电话同水樽，然后匿喺枱底。」有过经验，Monie学识要放几支水喺枱底，遇地震时能够自救。