港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】四中佬开咪做新城晚间节目林子博为听众解困带出正能量

即时娱乐

更新时间：10:16 2021-01-18 HKT
发布时间：00:16 2021-01-18 HKT

虽然Henry、Colun、子博、阿范系新组合，但一齐主持节目显得相当有默契。

踏入新嘅一年，单亲爸爸林子博要重新振作。于1月1日，逢周一至五晚11时开始，林子博(Bob)跟范振锋(Ricky)、张颢霖(Henry)及黎奕伦(Colun)为新城电台主持两小时新节目《Bibibala开大喇叭》，模式如同9年前由阿范、杜浚斌、阿Bob(林盛斌)、Sam嘅phone-in节目《新香蕉俱乐部》一样，子博大笑说：「我都系Bob Lam，希望将来有佢咁嘅成就！」采访：方骞平

(左起)Henry、Colun、阿范、子博齐齐为新城主持夜间节目《Bibibala开大喇叭》，解决听众的感情及其他烦恼。

四个中佬主持的新节目，每晚探讨不同话题。

虽然林子博和生意人张颢霖都系处男下海做DJ，但有Ricky及Colun带住，做得相当流畅，惟一系最初唔太知运作流程，有待摸索。子博对个人表现相当满意，「我把声办识度高，一出声都变得几有气氛。做主持同做DJ有啲唔同，做DJ冇咁多框框，钟意讲乜就讲乜，话题阔啲。」

9年前许志安都做过《新香蕉俱乐部》嘉宾，接受主持人阿Bob、阿Ben及阿范访问。

太太董燕君去年离世，伤心过后，子博喺新嘅一年要发放正能量。

提到首集phone-in听众好爆，其中有位女听众话，新年愿望最想离婚，最不满老公要求她洗底裤。至于另一位女听众因为胸大，经常被朋友性骚扰。子博冇被吓窒，还教巨胸女听众要严肃对待，必要时应该报警。他又爆以前喺电视台（亚视）做主持经历，「某次男助导趁住我同一位上围丰满嘅女主持人倾谈时，行来行去借意碰撞，女主持忍无可忍，喺制作部当住众人前斥责PA话『点呀？弹唔弹手呀？』呢招劲呀！PA吓到走都走唔切。」至于阿范话旧节目咁受欢迎，所以揾埋兄弟一齐做，但阿Bob去咗电视台，上咗岸好忙，不便打搞他。Colun笑言节目中大谈感情问题，咁要揾「情圣」Henry喇！Henry尴尴尬尬话：「我结婚前都拍过几次拖，有少少经验啫！」子博希望透过节目发放正能量：「我都系一个人办，我都可以过得到，应该产生鼓励作用。」