港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】成立二人乐队DisCover 黄进林以达明一派为目标

即时娱乐

更新时间：06:20 2020-10-16 HKT
发布时间：19:19 2020-10-15 HKT

黄进林（Michael）(左)及德哥(郭俊德) 会喺10月28日合体成立2人band DisCover，以新身份进军乐坛，并推出单曲《回南天》。

喺逆市下，作为歌手唔可以坐以待毙，要揾路求生。好似去年6月以一曲《分开纪念日》正式出道，有靓声王之称嘅黄进林（Michael），除咗作个人发展外，仲会同结他高手郭俊德(德哥)组成2人band DisCover。两人将于10月28日在香港科学馆演讲厅举行《疫境同行音乐之旅》，宣布合体兼发布最新单曲《回南天》，两人异口同声话好想成为年轻版「达明一派」。采访：方骞平

家燕姐大赞雷深如 (J.Arie)、黄进林、德哥有礼貌，对音乐又有热诚，承诺明年开音乐剧预埋佢哋。

黄进林、德哥好欣赏达明一派，希望好似佢哋咁有成就。

黄进林、德哥、雷深如 (J.Arie)3人喺伍仲衡Live Show结缘，日前仲结伴接受薛家燕、范振锋及思敏主持嘅新城电台节目《开心大派对》访问，讲吓未来发展动向。家燕姐大赞3个年青人对音乐有热诚，问到有乜贴士畀新人，家燕姐说：「做音乐好似好简单，其实要好用心，佢哋系要好有毅力撑住佢。不过，好欣赏佢哋有礼貎，咁会事半功倍，佢哋好有理想，我睇好佢哋，乐坛都需要佢哋，(邀请佢哋跳十字步？) 希望明年成事做到励志音乐剧，咁就揾佢哋参与。」三人开心到哗哗声。

黄进林、德哥喺10月28日香港科学馆演讲厅举行《疫境同行音乐之旅》。

黄进林入行初期经常喺铜锣湾Busking。

二人组合冇交嗌
Michael同德哥好期待成立DisCover，到时可以用新身份进军乐坛，Michael系主音，德哥就主力弹结他及写歌，笑言二人Band先至冇交嗌！而且大家方向好一致，好夹。问到系咪想成为「达明一派」接班人？两人都希望可以做到，因为𠵱家市场冇呢啲组合，德哥说：「好有缘，同我合作无间嘅填词人周耀辉早期系帮达明写歌㗎！我哋都有同周耀辉提过呢个问题『我哋算唔算系十几年后嘅达明一派呢？』」Michael笑说：「我哋未必一定跟足达明，可以先创造一个style，慢慢摸索。」德哥表示：「暂时构思一系列蓝调元素歌曲。」传达明一派有机会喺今年11月中开show，黄进林话好想睇，大赞「达明一派」独特曲风最吸引，同埋佢哋好有style，希望能够学习佢哋建立到自己风格。