【头条独家】年过40少女Look买餸　何倍倩唔怕冻晒腿饮冻嘢

即时娱乐

更新时间：14:04 2020-01-14 HKT
发布时间：22:30 2020-01-13 HKT

事实证明唔使「中女三宝」都可以Keep得好好！讲紧嘅系年过40的「恒生新抱」何倍倩（Anina），事关日前她落中环买餸，仅穿飘逸连身短裙仔晒腿又晒心口，其间仲买咗杯冻咖啡一边啜一边逛。而去年创办健康App的Anina一向都食得好健康，当日亦主攻蔬菜、鸡肉和鱼，难怪成为3子女之母仍保养得宜啦！采访：李权威

啲人成日话女人唔Keep好易老，年过30出街就必备「中女三宝」，即是颈巾、暖水和润手霜，不过日前下午3点，已经4字头的名媛何倍倩独自现身中环IFC，其手袋里有冇Hand cream就不得而知，但见她于10几度微凉气温下，仍穿上鲜黄色连身裙衬短Jacket，不单止露出一双幼腿，上身仲摊大个心口出嚟，唔知以为夏天，真系睇见都冻到打冷震！

Fit爆之谜
没有颈巾褛住都算，一身少女Look的Anina仲走去光顾文青至爱的%Arabica，她于收银处点完一杯咖啡后，便拎住张飞仔企埋一边等一个人咖啡，其间闷闷哋咪同朋友WhatsApp吹吓水啰，结果发现原来Anina叫咗杯冻咖啡，真系完全破晒戒！之后，Anina好悠闲地挽住个手袋，一边啜住行去city'super买餸，见她在冷藏食物区，拣了一堆三文鱼、番茄仔、菜，仲有鸡翼、鸡蛋和咸蛋等，大部分都含丰富蛋白质，未知这是否Anina Keep得咁Fit的秘诀呢？最后，她抽住一袋二袋等到司机来到便上车离开。