港闻

娱乐

最Hit

即时

中国

国际

星岛申诉王

财经

地产

生活

健康

教育

体育

大湾区

专栏

马经

PLUS

【头条独家】Dry足3年大解放杨柳青街头连环啜老外Hot爆

即时娱乐

更新时间：23:53 2019-12-04 HKT
发布时间：21:30 2019-12-03 HKT

咀完又咀咀咗一次唔够喉，老外揽实杨柳青咀多次。

「新一代打女」杨柳青（Wiyona）早前在TVB剧集《解决师》饰演性感女秘书Tracy，一场大露背出浴戏加三点式色诱戏，32BFit爆身材劲吸睛。自称单身的她，曾自嘲好打得冇仔敢埋身，去年与唐文龙传完绯闻又不了了之。早前三度现身铜锣湾的她，头两次自己买外卖、陪朋友行街，素颜街坊look一啲都唔养眼，到最后一次会猛男老外，她Set晒头、化行妆兼着白色贴身Top，男人见到都嗒糖。最初两人行街谈情，到买外卖嘢饮时愈企愈埋，终忍唔住喺街头激咀两次，之后男方再肉紧啜杨柳青块面，只见女方好冧好受落，然后两人再深情拥抱。激情完，他们攞埋外卖嘢饮揽住腰黐实离开，好Hot呀！采访：梁志明

甜蜜锡面咀咗两次，老外再啜杨柳青块面好Sweet。

甜游铜湾两人攞完外卖嘢饮，揽到实再去游铜锣湾。

拍开打戏嘅杨柳青，今年拍TVB剧集《解决师》时，一反常态饰演斯文性感女秘书Tracy，先偕李天翔拍场出浴戏，大露背超Sexy，之后着三点式泳衣色诱大只仔温家伟，再骚32BFit爆身材，睇到观众哗哗声！一直自称单身的她，曾透露拍拖经验超过10次，对上一次已是3年前，因被当时男友掴了一巴而决心分手。到失恋后唔想浪费时间，便决定学功夫增值自己，除咗咏春和泰拳，仲有刀、枪、棍、剑乜都学，务求成为全能的动作演员。这几年虽然成功建立打女形象，但感情却Dry到爆，她曾笑言：「女仔咁打得，啲男仔都畀我吓走晒，但几Tough嘅女仔都想有人锡到自己㶶，可以宠坏我，令我变成小女人。」

街坊look唔起眼
事有凑巧，早前见杨柳青三度现身铜锣湾，头两次她都是素颜街坊look唔多起眼。第一次是独自去时代广场City Super买外卖饭盒，见她钟情西式走地鸡和猪仔骨，买完后就急急脚离开。第二次系约咗一男一女友人行街，他们先去连卡佛睇鞋，只见杨柳青系咁睇Boots，之后试咗对长到大髀嘅黑色Boots，但最后都系冇买。跟住佢再陪女友人去BV睇袋，只见杨柳青意见多多，一时拎起个Tote Bag畀女友人睇，一时又一齐去睇银包，但三个吹水多过想买嘢，在店内搞咗大半个钟都系空手而回。

拍剧晒咪早前杨柳青在剧集《解决师》的色诱戏，大晒32B身材。

露背Sexy《解决师》中杨柳青最爆肯定系这场大露背超Sexy出浴戏。

被狂咀好受落
最后一次，杨柳青个look明显好唔同，除咗Set晒头、化行妆，仲着白色贴身Top衬黑褛黑裤，一副战斗格咁，原来系约咗老外去行街。杨柳青先陪对方去渣甸坊的便利店买嘢，跟住二人再行过隔离买外卖台湾饮品。其间二人边等边倾、东指西指笑得好开心，倾得兴奋时，杨柳青仲挨住男方好温馨。全晚高潮系老外突然揽住杨柳青咀嘴，咀完30秒都未够喉再咀多次，跟住老外又好肉紧咁啜杨柳青块面，只见杨柳青好冧好受落，并露出一丝丝嘅甜笑，然后两人再深情拥抱。其实当时是傍晚约6点半，条街都人来人往，但佢哋当啲途人冇到，攞完嘢饮仲揽住对方条腰继续Sweet Sweet游铜锣湾，好Hot呀！杨柳青曾表示现在有追求者，只是工作太忙冇时间发展。随着年纪愈大，愈发觉一见钟情不可信，揾另一半应该先了解，觉得适合自己才去拍拖。看她对老外嘅热情咁受落，好大机会系Mr.Right啦！