头条独家丨《赌命》人夫玩到「有反应」火火唔怕教坏人：感情进步咗

更新时间：08:18 2021-10-17 HKT
发布时间：18:30 2021-10-16 HKT

Benson直认对PTGF、口罩小姐Mangie有好感，二人还讲有味笑话。

由火火和陈嘉倩主持的ViuTV真人骚《赌命夫妻》邀请五对夫妻玩游戏赢取港币10万元奖金，挑战人妻人夫的「定力」！节目播出后，即惹来大批网友炮轰意识不良、玩得太过火、画面涉及色情以及歪曲道德等，直指「好黐线」、「根本系玩火」等。

28岁的Benson曾直认对PTGF、即口罩小姐Mangie有好感；昨晚（15日）播出的一集，Benson与Mangie继续大玩暧昧，在船P上摸匀Mangie全身，还讲「有味」笑话，Mangie指如果自己跌落海，Benson就算想救都「扯唔起我」，Benson即指男人遇到Mangie都会「扯得起」，内容相当大胆露骨。不少网民都洗版式留言闹爆Benson，叫他放生结婚3年的老婆Ruby。

身体任摸。

还吹耳仔，呢位系老婆。

另一个挑战肉体极限的环节，是要人夫戴住眼罩被5位PTGF疯狂摸身挑逗，有限时2分钟内，5位人夫即使面对极其亲密的身体接触，都没有一个嗌停！之后制作组换上「老婆」上场扮PTGF，其中Dennis的太太Teris喂食软糖咀嘴后，觉得Dennis有所反应，即忍不住当众掴了老公一巴，并即场激动爆喊。

大家定力都好够，被人摸足2分钟唔嗌停。

老婆Teris扮PTGF嘴Dennis。

对于外界的批评，火火今日接受《头条娱乐》访问时表示相信夫妻早有心理准备：「明知咁多镜头，再咸湿都唔会忍唔住，畀我就估系男人、一系自己老婆。𠮶一巴我觉得系积怨积落嚟，一个发泄。」问可担心教坏人？他说：「唔系好担心，佢哋几成熟同情比金坚，就系觉得打风都打唔甩，所以先想玩到呢个程度，so far节目拍完到依家，佢哋感情进步咗。」另外，有份帮手安慰人妻Teris的陈嘉倩，直认当时自己也有点手足无措：「倾落发觉原来佢哋两公婆一路以嚟都有啲沟通问题，私下都倾咗成个钟，火火以过来人经验share返，我哋都袋咗好多嘢落袋。」对于节目被指玩出火，她指下星期会有婚姻辅导专家帮手解决问题。