头条独家丨旨呈因疫情与妈妈分隔两地：今日一别唔知几时再见

更新时间：16:35 2021-10-08 HKT
发布时间：17:00 2021-10-08 HKT

旨呈话唔知几时先可以再见妈妈！

乐队「享乐团」出身的邝旨呈（旨呈）去年参加ＶiuTV《全民造星III》，当时曾有报导指他是坐拥10亿身家的阔少，妈妈是美容集团的创办人兼主席曾裕。虽然家底丰厚，但旨呈依然努力在娱乐圈追梦，早前便有份参与的ViuTV节目《夕阳新丁》今晚播出结局。昨晚（7日）旨呈在IG贴上与妈妈曾裕的合照，言语间充满着离愁别绪：「人生必须随时准备好说再见，因为人间处处充满著离别。再见了！娘亲！不懂花言巧语，只能寄语碟上。」
今日旨呈接受《头条娱乐》的访问，问到妈妈是否返新加坡，他说：「系呀，其实佢而家喺𠮶边定居，对上一次返嚟差唔多系两年之前嘅事，今次返嚟佢短暂停留10零日，唔觉唔觉原来已经系最后一日，系有啲唔舍得，所以㖊日咪同佢一齐食饭farewell，不嬲都唔系好识讲，我爱你或好肉麻嘢，所以咪写咗喺只度，仲送咗游戏机俾佢，有个妺喺𠮶边，而家新加坡疫情都严重，好多时间都留喺屋企，所以等佢哋一家人可以喺屋企玩。」

妈妈都有睇旨呈的演出。

曾裕近年移居新加坡！

因为疫情的关系，不少地方都实施隔离措拖，所以问到下次几时会再见，旨呈说：「其实呢个问题由㖊晚到今朝佢上机，我都有谂过，我都好想见过阿妈，屋企冇咗佢喺度，好似有一种寂寞嘅感觉，平时我阿妈会捉我食饭，好多时都会陪住佢，突然间佢走，好自然谂起呢个问题，但系都要交番俾政府，若然唔使隔咁多日嘅话，我相信嚟一个短TRIP返嚟系容易嘅事，不过而家好多地方嘅疫情都好严峻，返嚟要隔离，返去又要做一大轮嘢，变咗佢都尽量以安全重，所以都唔知几时可以再见到佢。」

旨呈在去年参加《全民造星III》。

不过，有网民笑称两人似姊弟多过似母子，旨呈笑说：「仲有又话似阿妹，又有人问系咪新女友，哈哈，我哋出亲街啲人都好议，唔觉得佢系我阿妈，如果影相仲易呈现，甚至乎二汶老师都系讲，我娘亲都话而家上镜系肥嘟嘟，到年纪大啲就会似我咁靓，会瘦啲，自动缩水。」旨呈更说：「两年冇见，转变好大，《造星》之后，返到嚟都知我喺工作上有好多转变，佢都有认同同称赞我今年嘅转变好大，喺我角度都觉得佢老咗好多，慢慢觉得佢年纪大，更加有一种唔舍得嘅感觉。」
至于妈妈又有否睇目《夕阳》？他则说：「有呀，有一晚唔使做嘢，我开电视叫佢睇，一路睇一路笑，今次系佢第一次睇我上电视，叫我拍多啲呢啲节目，之前喺自肥系听啲朋友讲，𠮶阵叫我好做埋啲咁核突嘅嘢，之后咪同佢解释，明白咗就叫我做多啲，咁多年努力终于有节目出街，叫我加油同继续努力。」