李克勤破格尝试洗脑曲风　《秒针》录得逾亿播放次数

更新时间：22:51 2021-10-01 HKT
发布时间：07:30 2021-10-01 HKT

克勤的新歌大玩复古情怀。

李克勤早前加盟新一季《中国好声音2021》担任导师，他凭着幽默风趣的魅力及赤诚态度，除赢得众学员爱戴外，亦深受观众及网民欢迎。近日克勤跟以抖音名曲《大风吹》爆红的内地新潮音乐人王赫野合作，推出充满八、九十年代香港曲风的广东作品《秒针》，大玩复古情怀。克勤坦言今次的尝试是要突破自己：「想尝试新嘅嘢，亦都想尝试唔同嘅制作班底，唔同嘅合作伙伴。唔系一定要一贯用开嘅制作班底、曲式或者做法先至得。」克勤向来对自己歌曲参与度甚高，今次却没有出过任何意见，他配合对方，因为想做一次比较贴地的做法：「所以要先放低个香港歌手做国语歌嘅包袱，而去做一首这类型嘅歌。」《秒针》旨在打破听众对于常规广东歌曲的印象，带来耳目一新的感觉。

克勤笑言与王赫野（左）合作是「天方夜谭」。

《秒针》上架几日已达破亿的播放率。

跟王赫野的合作，克勤笑说是「天方夜谭」：「同王赫野系第一次合作，我谂我哋喺年龄同资历方面，差唔多系最遥远嘅合作。因为我入咗行三十几年，佢只系三个几月，哈哈！系一个完全天方夜谭式嘅合作。但我觉得既然大家碰到系一个缘份，就唔好谂咁多。」

歌曲上架只有数日，已在播放平台超过一亿次的播放次数，克勤直言找对了曲风：「证明呢一类有少少洗脑式嘅曲风，喺一啲手提电话短视频里面系好啱数去用，呢个亦都系我哋有呢一个合作嘅主要原因。音乐系应该有无限可能，本住呢个精神去做，乜都试吓。」