【未够3个月唔讲得】向朋友请教煲汤水畀新抱饮 70岁薛家燕俾人问系咪有咗

更新时间：13:36 2021-02-24 HKT
发布时间：13:35 2021-02-24 HKT

家燕姐得知新抱有喜，大清早便向朋友请教有乜进补汤水，更被误会有喜。

现年70岁的薛家燕昨晚为TVB节目《流行经典50年》录影，提到儿子石耀庭与新抱陈素怡宣布造人成功，家燕姐喜上眉梢说：「荣升『家燕嫲嫲』好开心，个仔拣喺情人节公布，之前新抱整咗个蛋糕请我哋食，我挂住食冇留意蛋糕上有张BB超声波相，大女石祐珊发现咗，我开心到大叫，即刻放低蛋糕揽住个仔同新抱。」

家燕姐儿子石耀庭与太太陈素怡于情人节宣布升呢做父母。

石耀庭与陈素怡于18年结婚。

家燕姐得知将做嫲嫲，翌日大清早便起床打电话问朋友可有补身汤水，但最搞笑是她竟被误会有喜，她笑道：「朋友问我咩事要饮补身汤水，问我系咪有咗，但当时新抱怀孕未满3个月所以未讲得，惟有话自己补吓身啫。」家燕姐自爆当年自己怀孕时，因进补过度令体重急升40磅，犹如「大冬瓜」，她又指新抱有上怀孕课程，自有一套安胎计划，注重健康知道吃甚么，不用她担心。