【Headline Girls】陈康琪　探灵说性

更新时间：23:34 2020-09-28 HKT
发布时间：21:30 2020-09-27 HKT

香港歌手难捞，女子组合Bingo成员陈康琪（Odilia）出道4年，去年终由乐坛踩入电视圈，先后演出过ViuTV综艺节目《对不起标签你II》及《啪啪Partner》等。为了上位，上围仅32A的她更于《对》中尽谷「贫乳」，化身36D巨乳「Double May」玩实测，其后她又于《啪》大谈性爱话题，加上拥有一双42吋长腿，成功令网民留下印象！
继年初参演贺岁片《家有囍事2020》后，近日Odilia再接拍ViuTV灵探比赛真人骚《鬼同妳上位》，如今回想拍档于节目中逐一撞邪，自称一向大胆的她也大嗌好惊，但为了上镜Odilia也硬食照接受任务，结果自己都不幸「中招」，「其中一Part我哋拎住个纸扎公仔玩捉迷藏，而个纸扎公仔系做咗法事，请咗个灵上个公仔，即系我哋要同个灵一齐玩捉迷藏，我同ToTo（汤沛宜）就踎喺房中角落头，忽然听到耳边『𠵱』一声；另一次喺间荒废嘅老人院里面，我个任务系要吹口哨吹出一首粤剧，点知吹第一句，已经听到楼上好似有人行紧咁嘅声！之后我贪玩，仲吹咗首生日歌，吹完俾师傅闹，佢话生日歌系死人嘅忌违，系唔可以吹。（拍完身体不适？）拍𠮶几日气场都唔太好，我一直有袋住鼠尾草（净化）。」