【尖叫吧】健身教练泄澎湃肌肉照孔刘日做健身三个钟

更新时间：09:44 2020-08-07 HKT
发布时间：00:33 2020-08-07 HKT

背肌好雄厚。

有韩国媒体访问了孔刘的健身教练，该教练服务咗OPPA十几年，所以两人亦师亦友，教练仲公开咗两张OPPA嘅半身肌肉照，好壮好澎湃好想摸。

教练指孔刘完全系健身狂人，几乎每日都要去Gym Room蒲足3个钟，如果有剧或戏要拍仲要一日去Gym Room两次！「我见孔刘嘅时间仲长过见自己阿妈，羡慕吧? 」哗，好嚣张啰。

孔刘喺健身教练眼中系可爱形。

着咗衫嘅孔刘完全睇唔出咁大只。

教练讲孔刘讲到停唔到，佢赞孔刘有罕见嘅广阔膊头，长腿比例啱啱好，个性又好似一般社区大哥咁爽快。教练笑言:「有一段时间孔刘要做比较严格嘅减重，但佢到可以放松食嘢嘅cheating day都唔敢松懈，突然打畀我，问我食烤肉嘅时候可唔可以饮杯啤酒? 」教练都忍唔住赞孔刘好可爱，最后OPPA有冇饮到啤酒?教练话有饮到500cc嘅啤酒，仲要好慢咁饮。

最后教练话孔刘都钟意自己下厨，都系唔会太肥嘅蒸同烤，好少加调味料，教练形容为「食得好pure」。