对「安心事件」感心痛梅小青坚称冇用错黄心颖

更新时间：17:39 2020-03-14 HKT
发布时间：15:02 2020-03-14 HKT

梅小青都赞靓汤，但不会同心颖比较。

梅小青受访电台节目《旧日的足迹》，入行40年退休在即，她坦言现时依然将精神放在热播电视剧《法政先锋IV》上，并感谢所有参演的演员，说：「当我邀请演员参演嘅时候，冇话佢哋知呢出系我最后（监制）嘅一套剧集，但佢哋都撑我……首先多谢四哥（谢贤），我佢嘅小粉丝，当年去片场揾佢同芳芳姐（萧芳芳）签名，但我一直唔认识亦唔敢揾佢，今回我临别秋波托好朋友开口邀请，佢好快就答应。谁知记者会第二日，四哥打电话畀我话唔做喇，怕辛苦……一下子我吓傻咗！我好感激拉姑（狄波拉）在旁边帮口『应承咗唔可以唔做㗎！』四哥先话『小青我玩吓你咋！』其实四哥演出非常认真，服装全出私伙……我哋冇倾片酬，我畀一封利是佢作车马费，佢初时都唔肯收，总之四哥时刻都散发出一股浓浓嘅星味啦！」

小青姐一直以来都小心选角，条件是要有演员道德，团队合作亦要开心。问及今次是否错选了黄心颖？小青姐直言不觉：「我喜欢心颖系由《宫心计》开始，佢好甜唔造作，嗲亦唔会过火，《法证IV》我早预佢一份，佢熟读剧本，好快拿揑到我哋要啲乜。可惜发生咗呢个Case（安心事件），我好意外亦好心痛。」小青姐坦言心颖一定是错，本来大有前途，现在受了很大的惩罚，并谓生命有take 2，这么年轻应该再给她机会的。从手上三四个女演员中找来汤洛雯（靓汤）代替心颖的角色，原因小青姐觉得靓汤好甜、好有 heart：「我要佢减肥，但似乎唔太成功，于是我同自己讲，我拣佢并非因为佢个样同体重，系因为佢可以做到我剧中嘅角色。佢同心颖唔可以比较，各有各嘅好处，佢（靓汤）入组廿几日就做到呢个成绩，我非常满意！」

梅小青拣演员好严格，黄浩然、黄心颖、谭俊彦都是她心水选择。

梅小青与梅小惠

小青姐又点名称赞黄浩然及谭俊彦：「家豪哥（丈夫刘家豪）好早同我讲过浩然好有演员道德，即使当年只系客串剧集就算拍摄一啲手脚近镜，佢都要自己亲自返嚟演绎，佢话身体都有语言，我好喜欢佢，佢系新一代演员嘅榜样！至于谭俊彦，我并非同狄龙系好朋友先拣佢，的确，拣佢嘅时候，团队对佢演包青天印象太深，大家提议拣一个（样子）宽容啲演员，但我觉得应该畀佢一个机会，搏一搏！果然他不负众望，在剧中哭着洗碗那一场戏之后，大家都非常喜欢他了。」
小青姐对于选用谭俊彦表示感同身受，因当年即使有合适的角色也不敢拣选胞妹梅小惠演出，又谓其实小惠的笑戏和喊戏也很到家，姊妹俩也承受很大的压力！但后来小青姐豁出去，随后两剧都选用小惠担任女主角，又大赞妹妹做得非常好，特别是爸爸看到两个女儿的名字同时出现在电视剧中感到非常开心，小青姐就知自己做对了，所以她很明白俊彦的压力，并盛赞其能力非常高强。

小青姐又点评今天贵为亚视副总裁的旧爱将林文龙有头脑、有要求、具上进心，很有谂头和演员道德，对服装也自我要求严格，又往往恰如其份，小青姐满有信心表示文龙绝对胜任友台这高职。