【头条独家】陪囝囝英国学校面试徐荣扫防疫用品赠亲友

更新时间：02:24 2020-02-28 HKT
发布时间：01:06 2020-02-28 HKT

在伦敦难得遇到老友黄子雄，徐荣仲约埋囝囝的波友一家齐齐开餐。

徐荣早前农历年期间和太太陪囝囝徐朗去英国中学面试，顺道去旅行，本来此行打算一家四口去，但因新冠肺炎疫情严峻，为免4岁的囡囡包包（徐心怡）易受感染，以及戴住口罩坐长途机辛苦，无奈要撇甩囡囡。不过，他们一家三口亦不愁寂寞，除了趁机约埋刚巧在当地的黄子雄食晏，两父子又去睇波，仲顺道买防疫用品赠亲友。采访：杜淑霞

徐荣两父子都是爱波之人，去到英国当然要睇番场英超，咁啱买到热刺对曼城。

徐荣话影相多数由囝囝操刀，呢张泰晤士河旁影得唔错㖞！

徐荣谓13岁囝囝一直梦想到英国升学兼加入当地球会，为做职业足球员铺路，他早前已将囝囝成绩交到当地学校获接纳，此行只是进行体能测试，若顺利通过便可于9月正式入学，「因为阿仔目标系做球员，拣学校都系以运动方面成绩好为主，所以面试一定要考埋体能，希望佢今次合格，顺利被取录啦！」

徐朗有得面试心情好兴奋，好希望能够顺利在英国升学。

受疫情影响，就算囝囝13岁生日，徐荣一家四口只能在家庆祝。

无奈撇甩包包
由于一家都是首次去英国，所以徐荣除了陪囝囝面试参观学校，都有揸车落伦敦游览一下，「佢学校喺南部East Sussex𠮶区，比较暖啲同天气好啲，揸车去伦敦要个几钟，不过我哋都有去埋伦敦行吓，咁啱黄子雄又喺伦敦帮佢妈咪搞啲物业嘅嘢，佢仲带我哋去食晏，又约埋阿囝球队嘅成员同家人一齐去。」

徐荣在初四出发，当时香港疫情已开始严重，搞到他唔敢带埋细女包包同行，他更顺道为亲友扫防疫用品，「包包年纪太细，佢戴得耐口罩又会敏感，去英国咁长途机佢实搞唔掂，既然系咁唯有留低佢喺香港会安心啲啰！我哋去到知道香港好多防疫用品都短缺，虽然我哋本身都有，但都帮啲亲友去扫咗小小，但只限喺阿囝学校𠮶区买到啲搓手液，口罩真系全程都揾唔到啦！」