【武汉肺炎】惊坐飞机惹病害至亲河国荣唔敢博放弃返澳洲

更新时间：00:09 2020-01-28 HKT
发布时间：20:38 2020-01-27 HKT

武汉肺炎持续扩散，正当有人唔怕染病返乡下过年之际，另边厢，就有个孝顺仔惊自己坐飞机感染而累全家，所以索性今年不回澳洲探父母，讲紧嘅系外籍演员河国荣！眼见疫情日趋严重，不少内地人「逃亡」至香港，他今日凌晨于Facebook留言：「一个目前不能医治嘅病毒，人传人兼传播率咁高嘅病毒，广东已经～100病例，北京已封城唔俾人入，香港系咪都应该尽快封关？𠵱家系非常时期，未试过都唔系合理嘅理由，嚟紧嘅情况可能非常可怕。我本来二月中飞澳洲探父母，跟爸爸庆祝生日，但系我𠵱家唔敢博，坐8个钟头飞机到澳洲，飞机会唔会有隐形病者？我咁样会唔会害咗我最亲嘅两位老人家？我从来未戴过口罩。今次，我一定戴。我幻想力好强。希望我错。大家小心。」相信唔少香港人同河国荣一样好担心！