【头条戏场】《鬼影特攻：以暴制暴》由头炸到尾有钱真好

更新时间：14:05 2019-12-20 HKT
发布时间：00:00 2019-12-20 HKT

Ryan Reynoldso系大佬一号，有勇有谋但份人好盟塞。

电影由Michael Bay执导，Ryan Reynolds主演，放在Netflix实在有啲浪费，因为电影耗资1.5亿美金制作，打头阵接近20分钟意大利疯狂飞车撞死人画面睇到我瞬间精神晒，之后还有大量重型爆炸场口，绝对系由头炸到尾，剧情唔算弱鸡，紧张刺激又血有性感场口仲有靓仔睇，商业片嚟讲精彩度绝对满分。(Netflix已上架)撰文:廖思慧

除咗不断撞到人，车内其实有特工受伤要急救，车内车外都要同时间竞赛。

一班特工要去香港救人，唔好深究「都唔似香港嘅」。

地球上有六个人，个个身怀超劲本领，佢哋除咗叻，仲有共同志向，就系想将自己嘅过去Delete改变未来。咁啱有一位有钱人，佢叫一号，召集到六位劲人去组成一个神秘组织。组织有咩做?就系申张正义，将世界上所有坏人私下干掉，简称「私了」，但呢个「私了」唔讲得笑，会死人嘅。点解一号要咁做?佢觉得名字系死嘅，就算有一日佢同所有同伴嘅名被遗忘，但世人都会永远记得佢哋所做嘅事。

系无乜冷场嘅
戏中Ryan Reynolds好揪得，不但飞簷走壁，更要高空悬吊，其实各特工都有好身手，特别系四号(Ben Hardy饰)，系因咩差事跳跳跳嘅终极火山级版本，睇佢喺几十层高空逐层跣落地下，又喺吊臂上逃生，喺IMAX睇应该会出晒汗。新闻稿话电影「斗智斗力的紧凑剧情令本片绝无冷场」，剧情的确好紧凑，但斗智又唔太觉得。

打到爆头爆眼
电影分三Part高潮，第一Part喺开场嘅首20分钟意大利疯狂飞车，开戏睇前好眼瞓，睇完飞车精神晒，真人真事呀。之后两Part分别系香港拯救行动及尾段邮轮打大佬，全程打到癫，吓吓爆头又爆眼，睇得好过瘾。文戏嘛?弱嘅，但重要咩?