祖马龙心水│「准辉煌」出头良机
更新时间：19:01 2025-10-03 HKT
发布时间：19:01 2025-10-03 HKT
发布时间：19:01 2025-10-03 HKT
字体大小
现今世代骗案处处，话说有朋友收到投资陷阱电话，对方先叫朋友畀一百蚊，当任务完成后，可连本带利收番二百。唔知系咪睇得多《东张西望》，朋友对骗徒手法了如指掌，所以攞番二百之后就即刻block咗对方电话割禾青。眼见偷鸡唔成，骗徒就用其他太空卡再度联络朋友，希望可以喺佢手上重夺被反欺诈嘅一旧水。当电话接上后，骗徒打算用同一手法给朋友一百蚊奖金，先博取信任，岂料后续故事还未发生，朋友即醒目地block咗骗徒，前后袋咗两嚿水不了了之。本人表示惊叹之余，亦深感物以类聚、人以群分，感觉上同祖马龙熟悉嘅朋友都有番咁上下蛊惑嘅基因！
今期心水「准辉煌」一样咁多嘢谂，呢匹马抽档一向欠运，上季季尾更连续抽出数仗排大外档，成单骗案咁！小道消息话，接连劣档激到马主弹起，有日排位朝，马主专诚去马会总部监察抽档嘅程序。今次终于抽一档，此驹近期晨课快跳亦Sharp醒，八月尾试闸含蓄，揿住唔试晒畀你睇，状态唔错之下，今次系出头良机。
第六场 4 准辉煌 1 美丽邂逅 13 凯旋幸运
第九场 3 灯胆将军 2 膨才 5 宝进
