「中国匹克球巡回赛香港站正式发布会暨未来精英培育计划启动礼」日前喺奥海城顺利举行。

Cally - 匹克球热潮席卷香港信和携手Bay Pickle 培育新一代运动精英 | 商界讲呢啲

更新时间：02:00 2026-11-11 HKT
发布时间：02:00 2026-11-11 HKT

　最近同朋友聚会，大家话题总离不开近年风靡全球嘅新兴运动——匹克球（Pickleball）！呢项节奏明快又容易上手嘅运动，无论大人定小朋友都一试爱上。

　一向热心推动社区健康生活嘅信和集团，最近就同匹克球平台Bay Pickle联手，全力推动匹克球喺香港「普及化」兼「精英化」！信和旗下嘅一号银海首度开设「Bay Pickle Academy」，特设两个室内比赛级球场，仲会定期请嚟海外同内地顶尖教练亲临指导，连初学者同想精进技术嘅朋友都有专业好去处。

　除咗埋头练习，实战经验都重要。全国瞩目嘅「中国匹克球巡回赛（CPC）」正式首度落户香港，将于12月喺元朗锦绣花园乡村俱乐部开打，即日起已接受报名！赛事设有多个积分组别，连18岁以下青年组到长青组都有，成功报名仲送室内球场练习时数备战。

　对于有潜质嘅年轻人，今次合作更系大展身手嘅黄金机会。双方宣布推出「未来精英培育计划」，首年预计支援20位18岁以下嘅本地青年球员，赞助逾1,000小时嘅训练资源同免费球场练习，优秀学员更有机会代表香港出战内地或海外赛事。

　由社区推广到培育年轻运动员，信和集团与Bay Pickle希望让匹克球不只系一时嘅运动热潮，更能成为香港体育发展嘅新力量。