Cally - 旺角首个最大型万圣节街头派对集合街头文化＋音乐＋打卡＋地道美食 | 商界讲呢啲

更新时间：02:00 2026-10-29 HKT
发布时间：02:00 2026-10-29 HKT

今年好多区都有「香港万圣月」派对，但最精彩又热闹嘅一定系「旺角有落！朗豪坊万圣节街头派对」，朗豪坊将于本周六（10月31日）喺商场对出嘅砵兰街举办旺角区首个最大型万圣节街头派对，派对揉合街头文化、现场音乐、变装打卡同地道美食，仲请咗国际潮玩艺术家DANSIN整咗架港式红VAN「旺角妖巴」，同一系列取材自旺角日常嘅Q版原创港式妖怪畀大家打卡。除咗汇聚世界级Coser、香港霹雳舞代表同本地人气乐队表演，有地道小食、摊位游戏、免费派发万圣节特别版富豪雪糕等！Cally仲收到风今次系朗豪坊近20年来首次举办嘅大型户外狂欢活动，令人相当期待！

除咗户外派对，4楼通天广场悬浮咗一个7米巨型《MARS》火星装置，属于英国知名艺术家Luke Jerram世界巡展作品嘅香港首展「Walk me to Mars」重点展品，火星下仲有「TRICK or BEANS」零重力气泡咖啡节（10月31日至11月1日举行），入面集合14个本地独立咖啡同特色餐饮品牌，甚至请到Tokyo Indie Coffee Fes日本品牌参与。

著数方面，朗豪坊联乘咗场内超过40间人气餐饮、美妆及潮流服饰品牌，推出节日优惠同埋Trick or Treat互动体验，合共送出超过50,000份节日惊喜。

Cally问过朗豪坊，佢哋觉得而家嘅消费者，尤其年轻顾客及旅客，除咗购物之外，仲好重视活动带来嘅体验同氛围，期望透过「盛事＋旅游」嘅联乘效应，丰富区内消费场景，提升访客到访意欲同逗留时间，为场内商户带来实质经济效益之余，亦将人流及消费动力延伸至旺角周边商户。

Cally