KellyChu - 《头条日报》周六《起筷》　「美食女团」华丽出道 | Executive日记

更新时间：02:00 2026-10-13 HKT
发布时间：02:00 2026-10-13 HKT

　　《头条日报》Saturday由10月17日起，逢周六推出全新《起筷》特辑，为读者搜罗城中最新最潮嘅美食情报，同时引入强大专栏作家阵容，由三位女士组成嘅「美食女团」正式出道，佢哋分别系杀入内地节目《一饭封神》12强嘅90后新锐主厨郑紫欣（Kobe）、帝京酒店狮房菜助理主厨谭咏仪师傅，以及识饮识食嘅专业吃货唐嘉碧（Cally）！

　　三人合组嘅专栏名为《美食女团》，真系好贴切。讲起Kobe，大家都知道内地粉丝叫佢做「化学系靓厨」，皆因Kobe大学主修化学，而佢自幼喜欢入厨，选择从事与主修科目不一样嘅职业，大学未毕业就学厨，喺餐饮业开创属于自己嘅一片天。Kobe将喺专栏分享佢嘅法式美味故事，粉丝们唔好错过！

　　中菜大厨以往由男性主导，但时至今日，女中厨巾帼不让须眉，代表人物之一，就系「狮房菜」嘅小仪师傅。佢入得厨房出得厅堂，多年来努力进修，钻研粤菜，以创意升级传统佳肴，赢得众多食客欢心。小仪师傅私底下亦都系一位美食家，会喺专栏同大家分享香港各式各样嘅地道美食，将自己嘅美食地图大公开！

　　活跃于香港饮食界嘅唐美人Cally，食遍香港18区隐世味道，又游走内地大江南北，追寻舌尖上的好味道，多年来喺《星岛日报》等刊物同大家分享佢嘅味蕾体验，既有品味又有「食」力。Kelly跟住Cally去揾食，每次都有惊喜！佢对推广中华饮食文化不遗余力，出任香港中厨师协会义务公关总监，对佳肴美酒无所不识，也无所不言，Kelly好期待佢喺《起筷》嘅分享。

KellyChu