KellyChu - 内地「女侠」仗义散尽万元补贴走访麦当劳随机请客传温情 | Executive日记

更新时间：02:00 2026-09-29 HKT
发布时间：02:00 2026-09-29 HKT

　　有位内地女生近日来港旅游，喺支付平台幸运抽中「香港麦当劳万元补贴」，但有效期只得一周，佢翌日就要返内地，真系「苏州过后无艇搭」。由于补贴只可用10次、单次最高1000元，所以佢决定化身「香港麦当劳侠」，随机请陌生人食麦当劳。呢个善举喺网上引发热议，唔少本港网民赞佢「人美心善」、「实力诠释了独乐乐不如众乐乐」，Kelly都忍唔住要畀个like！

　　呢位女仔以网名「香港麦当劳侠」喺小红书分享经历，指自己9月26日抽中补贴后，因不想浪费，决定「做点疯狂且好玩的事情」。佢分2日走访湾仔、中环、尖沙咀等多间分店请客，并将部分餐点送畀长者、小童、清洁工及警察等人。佢坦言，自己性格内向，喺店门外主动邀请陌生人并唔容易，又怕同一分店店员太辛苦，所以转咗唔同分店。

　　佢仲话，首晚见到网民赞扬嘅评论后，兴奋到失眠，甚至因担心安排不周而胃痛。佢感谢网民支持，形容系「回忆起来永远都会觉得顶级幸福和骄傲的一件事」，希望日后再有幸运可与人分享。

KellyChu