KellyChu - 愿望成真基金协助往海洋公园任一天护理员少年战胜癌魔亲亲猫头鹰圆梦 | Executive日记

更新时间：02:00 2026-07-31 HKT
发布时间：02:00 2026-07-31 HKT

唔同嘅小动物都有佢哋可爱及特别之处，18岁嘅柏悦就钟情猫头鹰，佢话因为猫头鹰既可爱又凶狠，呢种反差萌好有魅力。谁曾想到Kelly面前呢位健谈开朗嘅男孩，曾与癌症对抗，经历咗一段漫长治疗才重拾健康。昨日喺愿望成真基金及海洋公园带领下，佢得以实现一个独特愿望——担任一日鸟舍管理员及动物护理员，近距离接触最喜欢嘅猫头鹰，亦与父母一起跟海狮互动，留下珍贵回忆。

海洋公园鸟舍动物护理员带着2公斤重嘅雕鸮（又叫大猫头鹰）出场讲解其特质及习性。柏悦在旁细心聆听，不时向护理员提问，十分雀跃，最后更拿起手机自拍留念。问及柏悦几时接触并喜欢上鸟类，佢表示，大概12岁升读中学𠮶年比较有压力，喺返学途中见到雀仔，于是开始观察牠们，并产生兴趣。佢话鸟类与其他动物不同之处，系可以畀到自己一种平静嘅感觉。

柏悦两年前在一次学童健康检查发现胸前有阴影，经进一步诊断，确诊第三期弥漫性大B细胞淋巴瘤，最后在儿童医院展开治疗。佢忆述，治疗期间最难受系药物带给佢嘅副作用，身体需要承受痛楚，虽然现在已经康复，但感觉身体不如以前，例如行两步楼梯都会喘气。虽然康复路上难关重重，但柏悦仍以坚毅意志参加DSE考试，成功升读大专。佢话好多谢父母喺治疗期间一直陪伴，给予佢无限嘅爱，医院嘅护士亦常常送上贴心关怀。

柏悦感激愿望成真基金嘅悉心安排，让佢可以近距离接触心仪嘅动物，并从中学习护理知识。最后，佢寄语像他一样于青少年时期患病嘅孩子，无论面对治疗或是康复后嘅人生，都不要丧失对生活嘅动力，「生病嘅时候可能大家都会话你好叻，但回归正常生活后会发现其实自己同其他人都系一样，要预先有心理准备去接受这个落差。」

KellyChu