KellyChu - 坐巴士巡旺角　叮嘱大家用消费券撑起经济财爷饮啖茶食个包！｜Executive日记

更新时间：00:00 2022-08-11 HKT
发布时间：00:00 2022-08-11 HKT

第二轮消费券首阶段发出咗四日，唔知大家使成点呢？Kelly买咗好多嘢啦。「财爷」陈茂波之前就话会用嚟叹杯靓茶，昨天佢就去咗旺角，睇下大家消费券用成点，仲去咗茶餐厅叹奶茶食菠萝包呀！Kelly要好似财爷咁，拎消费券食叹杯靓丝袜奶茶食个包先！

财爷落区，十分贴地，坐巴士去旺角视察，车上面嘅乘客同司长有讲有笑，friend过打band。落车之后，财爷去咗金鱼街视察，有热心嘅市民就同司长讲，话会买礼物畀屋企人，仲同财爷合照留念。

之后，财爷去咗附近嘅老字号金华冰厅，又叹奶茶，又食菠萝包，认真识叹。跟住财爷就去咗女人街同商户倾计，有老板话生意多咗，多谢波哥咁话。财爷话，经济短期内难免受压，希望消费券分阶段发放，可以提振经济。佢仲话，只要大家一起努力消费，撑起经济，挨过呢个暂时嘅低潮，香港前景仲系好亮丽㗎。小妹同意财爷所讲，依家就即刻落街，用消费券撑起经济先！
Kelly Chu